အထက်လွှတ်တော်အမတ် ၂ ဦး အီဂျစ်သွားဖို့ အိုဘားမားညွန်ကြား

ဗွီအိုအေ (မြန်မာပိုင်း)

31.07.2013

အီဂျစ်နိုင်ငံအတွင်း နိုင်ငံရေး ပဋိပက္ခတွေ ဖြစ်ပွားနေချိန်မှာ အမေရိကန် အကြီးတန်း အထက်လွှတ်တော်အမတ် ၂ ဦးကို အီဂျစ်နိုင်ငံကို သွားရောက်ဖို့ သမ္မတ ဘရက်ခ် အိုဘားမား (Barack Obama) က ပြောဆိုလိုက်ကြောင်း အထက်လွှတ်တော် အမတ်တွေက ပြောပါတယ်။

အထက်လွှတ်တော်အမတ် လင်ဆေး ဂရာဟမ် (Lindsay Graham) က သူနဲ့ ရီပတ်ပလစ်ကန် အထက်လွှတ်တော်အမတ် ဂျွန် မက်ကိန်း (John McCain) တို့ဟာ သူတို့ရဲ့ ခရီးစဉ်က အထောက်အကူ ဖြစ်စေလိမ့်မယ်လို့ ဆိုရင် အီဂျစ်နိုင်ငံကို သွားရောက်ကြဖို့ မျှော်လင့်ကြောင်း ပြောဆိုပါတယ်။ ဂရာဟမ် နဲ့ မက်ကိန်းတို့  ၂ ဦး စလုံးဟာ အထက်လွှတ်တော်ရဲ့ လက်နက်ကိုင်တပ်ဖွဲ့များရေးရာ ကော်မတီ အဖွဲ့ဝင်တွေ ဖြစ်ကြပါတယ်။

အီဂျစ်နိုင်ငံမှာ လက်ရှိ ဖြစ်ပွားနေတဲ့ အရေးအခင်းတွေကြောင့် အမေရိကန်ကနေ အီဂျစ်နိုင်ငံကို နှစ်စဉ် ထောက်ပံ့ပေးနေတဲ့ စီးပွားရေးနဲ့  စစ်ရေးဆိုင်ရာ အကူအညီ အမေရိကန်ဒေါ်လာ ၁ ဒဿမ ၅ ဘီလျံ ဆက်လက် ပေးရေးကိစ္စမှာ မေးခွန်း ထုတ်စရာတွေ ဖြစ်နေပါတယ်။

သမ္မတ အိုဘားမား အစိုးရကတော့ မကြာသေးခင်က ဖြစ်ပွားခဲ့တဲ့ အီဂျစ်သမ္မတ မိုဟာမက် မော်စီကို ဖြုတ်ချခဲ့မှုအပေါ် စစ်အာဏာ သိမ်းတယ်လို့ မသတ်မှတ်တဲ့အတွက် အမေရိကန်ပြည်ထောင်စုရဲ့ ဘဏ္ဍာရေး အထောက်အကူတွေ ဆက်ပေးဖို့ ခွင့်ပြုထားကြောင်း ပြောပါတယ်။
ဇူလိုင်လ ၃ ရက်နေ့က မိုဟာမက် မော်စီကို ဖြုတ်ချခဲ့ပြီးတဲ့နောက်ပိုင်း အီဂျစ်နိုင်ငံမှာ ဖြစ်ပွားခဲ့တဲ့ အကြမ်းဖက်မှုတွေအတွင်း လူပေါင်း ၂၀၀ နီးပါး သေဆုံးခဲ့ပြီး အဲ့ဒီအထဲမှာ အများစုဟာ သမ္မတဟောင်း မော်စီကိုထောက်ခံသူတွေ ဖြစ်ကြပါတယ်။ 

 

Credit to VOA Myanmar News

မြ၀တီမြို့ ရေဘေးဒဏ်ကြောင့် ဒုက္ခသည်စခန်း ၉ ခုဖွင့်

မအေးအေးမာ

30.07.2013

သောင်ရင်းမြစ် မြစ်ရေလျှံတဲ့အတွက် မဲဆောက်-မြ၀တီ နှစ်နိုင်ငံ နယ်စပ်တလျှောက် ထောင်နဲ့ချီရှိတဲ့ မြန်မာနိုင်ငံသားတွေဟာ ရေဘေးဒဏ်ကို ခံစားနေရပါတယ်။ မြ၀တီမြို့ဘက်မှာတော့ ကယ်ဆယ်ရေးစခန်း ၉ ခု ဖွင့်ထားပေမဲ့ တမြို့လုံးနီးပါး ရေဘေးဒဏ် ခံနေရပါတယ်။ အပြည့်အစုံကိုတော့ ထိုင်းအခြေစိုက် ဗွီအိုအေသတင်းထောက် မအေးအေးမာ က သတင်းပေးပို့ခဲ့ပါတယ်။

ထိုင်း-မြန်မာနယ်စပ် မဲဆောက်မြို့နဲ့ မြ၀တီမြို့မှာ မိုးသည်းထန်စွာ ရွာသွန်းမှုနဲ့ တောင်ကျရေ ကျဆင်းမှု၊ ဆည်ရေတွေ ဖောက်လုပ်လိုက်တဲ့အတွက်လည်း ရေဘေးဒဏ်ကို နှစ်နိုင်ငံနယ်စပ်မှာရှိတဲ့ ပြည်သူတွေ ခံစားနေရတာပါ။ ဒါပေမဲ့လည်း မြ၀တီမြို့ဘက်မှာတော့ ဒုက္ခသည်စခန်း ၉ ခု ဖွင့်ထားပြီး ကယ်ဆယ်ရေး လုပ်ငန်းတွေ လုပ်နေပေမဲ့ လူတွေအများအပြား နေထိုင်ဖို့ အခက်အခဲတွေရှိနေကြောင်း ရေဘေးဒဏ်ခံနေရတဲ့ မြ၀တီမြို့ခံတဦးက ပြောပြပါတယ်။

“ပထမတုန်းက ကယ်ဆယ်ရေးစခန်းမှာ သွားနေတယ်။ အခုက ကယ်ဆယ်ရေးစခန်းမှာ နေလို့ မရတော့ဘူး။ ရေတွေ တအားပြည့်နေတယ်။ စခန်း ၉ ခုအပြင်ကို နောက်ထပ် ဒီလို အိမ်ငယ်တွေမှာလည်း အိမ်တွေကတော့ ပိုက်ဆံရှိတာမဟုတ်ပေမဲ့ အိမ်မြင့်မြင့်တွေ၊ မိုးရေလုံတဲ့၊ ရေမတက်ဘူးဆိုတဲ့ နေရာတွေက ကယ်ဆယ်ရေး စခန်းငယ်တွေလို အဲ့လို အကူအညီပေးထားတဲ့အိမ်တွေ အများကြီးရှိတယ်အမ။ ကယ်ဆယ်ရေးစခန်းတွေ အကုန်လုံး ပြည့်တဲ့အပြင် လမ်းဘေးတွေမှာ အဲ့ဒီ အမိုးရှိတဲ့ အိမ်တွေမှာ လူတွေ ငုတ်တုတ်နေနေရတယ်။ အာရှလမ်းမကြီးပေါ်တောင် ရေကျော်တယ်။ အမ ဆိုးတာပေါ့ အများကြီး။ ကျမတို့အိမ် ၂ ထပ်ကိုတောင် ဘယ်တုန်းကမှ ရေမှ မရောက်တာ။ အခုက အပေါ်ထပ်ထိတောင် ရောက်တယ်ဆိုတော့ ရေက မနည်းဘူးပဲ တက်မယ်။ ရေတက်တဲ့ဟာတွေ အကုန်လုံးလည်း ပိတ်ထားတယ်။ မတက်တဲ့ ကုန်းပေါ်က ကျောင်းတွေလည်း ပိတ်ထားတယ်။ ဘာဖြစ်လို့လဲဆိုတော့ ရေအတွက်နဲ့ ဘယ်သူမှ မလာနိုင်ကြဘူး။ ဟိုး မြို့လယ်ခေါင်က ဘယ်တုန်းကမှ ရေမတက်တဲ့ ဘုရားနားက နေရာတွေပါ အကုန်လုံး ပြောင်းပြေးရတာလေ။ တန်းလျားတွေဆို အကုန် မြုပ်ကုန်ပြီ။ ခေါင်တွေ မပေါ်တော့တဲ့ အိမ်တွေလည်း မပေါ်တော့ဘူး။ အကုန်လုံး ဒုက္ခရောက်တယ်။ ကျမတို့တောင်မှ ဘာပစ္စည်းမှ မပါဘူးအမ။ စောင်တထည်နဲ့ ၀တ်ဖို့ အ၀တ်အစားပဲပါတယ်။ ကလေးငယ်နဲ့ဆိုတော့။ ဘာပစ္စည်းမှကို ကျမတို့ မသယ်နိုင်ဘူး။ သူတို့ သယ်ပေးတယ်ဆိုရင်တောင် ထားစရာ နေရာ မရှိဘူးအမ။ လူတယောက်ကို တဆွဲတပိုးနဲ့ ဆိုရင်တောင် လူတွေကလည်း ပြည့်။”

အမှတ် ၅ ရပ်ကွက်မှာဆိုရင်  ကျွန်းတောဈေး၊ ရေပူဘုန်းတော်ကြီးကျောင်း၊ ကိုးန၀င်းကျောင်း၊ သမ္မတသုခ၊ ဖားခြောက်ကောင်၊ ရက်ကွက် ၃ မှာတော့  ဓမ္မရန်အောင်ဘုန်ကြီးကျောင်း၊ အမှတ် ၂ ရက်ကွက်မှာတော့ တေဇသက်ကီဘုန်းကြီးကျောင်း၊ အမှတ် ၄ ရက်ကွက်မှာတော့ တောရကျောင်း ကြခတ်တောကျောင်း၊ ကျောက်ဖျာဓမ္မာရုံတွေမှာ ဒုက္ခသည်စခန်းတွေ ဖွင့်ထားခဲ့တာပါ။

ဒါ့အပြင် ရေမ၀င်တဲ့ ချန်းသာတဲ့ မိသားစုတွေ နေထိုင်ရာ အိမ်တွေမှာပါ ရေဘေး ဒုက္ခသည်တွေကို နေထိုင်ခွင့် ပေးထားပါ။ တမြို့လုံးနီးပါး ရေဘေးဒဏ် ကြုံနေရတဲ့ အတွက် တချို့လူတွေကတော့ လမ်းမတွေပေါ်က  အကာအကွယ်ရှိတဲ့ နေရာတိုင်းမှာ ခိုလှုံနေကြရပါတယ်။ အလားတူ မြ၀တီ အင်ကြင်းမြိုင်ဆိုတဲ့ နေရာနဲ့နီးတဲ့ ထိုင်းနိုင်ငံဘက်ခြမ်း မယ်ကုမိုင် ဆိုတဲ့နေရာမှာလည်း ရာနဲ့ချီရှိတဲ့ ရွှေ့ပြောင်းအလုပ်သမားတွေ နေထိုင်ရာ နေရာတွေမှာ တဲအိမ်တွေဟာ ရေစီးနဲ့အတူ မျောပါသွားခြင်း၊ အိမ်ခေါင်မိုးအထိ ရေနစ်မြုပ်တဲ့အတွက် ထိုင်းလူထုတွေထံမှာ အကူအညီတွေ တောင်းခံနေရပါတယ်။ မယ်ကုမိုင်ဘက်က ရွှေ့ပြောင်းမြန်မာ အလုပ်သမားတွေ ပြောပြတာကတော့ -

“ညနေ ၄ နာရီလောက်မှာ ရေတွေက ဒူးခေါင်လောက်အထိ ရှိတယ်။ ကျမတို့ကလည်း ဒီလောက်အထိ ရေတက်မယ်လို့ မထင်ဘူးပေါ့။ တဖြည်းဖြည်းနဲ့ ရေက ခါးစောင်းထိ ရှိလာတော့ နိုင်သလောက်လေးပဲ ရွှေ့ရတော့တယ်။ အဲ့အချိန်မှာ ၉ နာရီကျော် ၁၀ နာရီလောက် ရှိနေပြီ။ အဲ့လောက်ကျတော့ ကျမတို့လည်း လူပဲ ရုန်းရတော့တာပေါ့။ ရှိတဲ့ဆန်တွေကတော့ အကုန်လုံး ပါသွားတော့တာပေါ့။ အိမ်တွေကတော့ အကုန်မြုပ်တယ်အမ။ ခေါင်မိုးတွေမြုပ် တတောင်လောက်ပဲ ပေါ်တော့တယ်။ အိမ်နှစ်လုံးကတော့ မျောသွားတယ်။ ရွှေ့လိုက်လို့။ မရွှေ့လို့ရှိရင်တော့ လူ အသက်အန္တရာယ်ရှိတယ်လေ။ အားလုံးလည်း ဒုက္ခရောက်တာပေါ့နော်။ ရှိတဲ့ဟာတွေတော့ မျောတာပေါ့နော်။ တိရစ္ဆာန်တွေကအစပေါ့။ ဒါပေမဲ့ ဒီလိုမျိုး ကြုံဖူးတာကတော့ ၂ ခါရှိပါပြီ။ ဒီတခါကတော့ တော်တော်လေးကို အခက်အခဲ ကြုံရတယ်။ လူက အသက်နဲ့လုပြီးတော့ လာရတဲ့ ပုံစံမျိုးမှာ ရှိတာပေါ့။”

မြ၀တီ - မဲဆောက်မြို့ဟာ နှစ်နိုင်ငံနယ်စပ် ကုန်သွယ်ရေးတွေ လုပ်တဲ့မြို့တွေ ဖြစ်တဲ့အတွက် တဘက်နဲ့တဘက် ကုန်ပစ္စည်းတွေကို တင်ပို့သိုလှောင်တဲ့ နေရာတွေ အများအပြား ရှိနေတာပါ။ ကုန်သည်တွေရဲ့ ကုန်ပစ္စည်း သိုလှောင်တဲ့နေရာ တချို့လည်း ရေဘေးဒဏ် ခံရတဲ့အတွက် ကုန်ဈေးနှုန်းပါ ထပ်ကြီးလာမှာကို စိုးရိမ်မိတယ်လို့ မြ၀တီမြို့က ပြည်သူတဦးက ဆက်ပြောသွားပါတယ်။

“ကုန်သည်တွေဆိုလည်း အများကြီး ဆုံးရှုံးတယ်လေ။ သိုလှောင်တဲ့ကုန်တွေဆို စိုရွှဲနစ်ကုန်ပြီဖြစ်တဲ့အတွက် ရှေ့ကိုတော့ သိပ်မမျှော်မှန်းရဲပါဘူး။ ကုန်ဈေးနှုန်းတွေ တက်မယ်လို့ ကျမတို့ ထင်တယ်လေ။ ဘာဖြစ်လို့လဲဆိုတော့ ဆိုင်တွေမှာလည်း ကုန်ပစ္စည်းတွေက တော်တော်များများ ကုန်ကုန်ပြီလေ။ ဆိုင်တွေဆို အများကြီးပဲ ရေမြုပ်သွားတယ်။ အိမ်တွေမှာ ရွှေ့ထားတဲ့ ပစ္စည်းတွေလည်း မြုပ်တယ်။ ဂိုဒေါင်က ပစ္စည်းတွေလည်း မြုပ်တယ်။ အိုးမဲ့ အိမ်မဲ့တွေလည်း တော်တော်များများ ဖြစ်နေပြီ။ အခုဆို သောင်စပ်က အိမ်တွေဆို အကုန်မျောတယ်။”

မိုးအဆက်မပြတ် ရွာသွန်းခြင်း၊ တောင်ကျရေ ကျဆင်းခြင်း၊ ဆည်ရေများ ဖောက်ထုတ်ခြင်းတွေကြောင့်  နယ်စပ်တလျှောက်မှာ ရေဘေးဒဏ်ကို ကြုံနေကြရတာပါ။ မြ၀တီမြို့ဘက်မှာ ဇူလိုင်လ ၂၉ ရက်နေ့ကထက် ဇူလိုင်လ ၃၀ ရက်နေ့က အခြေအနေ ပိုဆိုးလာတဲ့အကြောင်း မဲဆောက်မြို့ဘက်မှာတော့ ရေဆိုးရေညစ်တွေကို ဖောက်ထုတ်မှုတွေကြောင့် ဇူလိုင်လ ၂၉ ရက်နေ့ကထက်စာရင်  မြို့ထဲက လမ်းမပေါ်မှာ ရေတွေ လျော့ကျသွားပြီး ကားအသွားအလာတွေ ပိုလုပ်လာနိုင်တာကို တွေ့ရပါတယ်။ ဒါပေမဲ့လည်း မိုးရေးမြစ်အနီး နယ်စပ်တလျှောက်မှာ နေထိုင်နေရတဲ့ နှစ်နိုင်ငံ ပြည်သူတွေကတော့ ရေဘေးဒဏ်ကို ခံစားနေရဆဲဖြစ်ပါတယ်။ 

 

 Credit to VOA Myanmar News

မြန်မာနိုင်ငံမှာ ဆက်လက်ဖမ်းဆီးမှုတွေ ရှိနေတဲ့အပေါ် ကင်တားနားစိုးရိမ်

ဒေါ်လှလှသန်း

30.07.2013

နုိုင်ငံရေး အကျဉ်းသား ၇၃ ဦးကုို မြန်မာသမ္မတ ဦးသိန်းစိန်က ပြန်လွှတ်ပေး လုိုက်တဲ့အပေါ် မြန်မာနုိုင်ငံဆုိုင်ရာ ကုလသမဂ္ဂ လူ့အခွင့်အရေး စုံစမ်းစစ်ဆေးရေးမှူး မစ္စတာ တောမတ်စ် အုိုဟေး ကင်တာနား (Mr. Thomas Ojae Quintana) ကကြိုဆုိုလုိုက်ပါတယ်။ ဒါပေမဲ့ နုိုင်ငံရေး လှုပ်ရှားသူတွေကုို ဖမ်းဆီးမှုတွေ ဆက်ရှိနေသေးတဲ့အတွက် စုိုးရိမ်မကင်း ဖြစ်တဲ့အကြောင်းနဲ့ နုိုင်ငံရေးနဲ့ လူ့အခွင့်အရေး လှုပ်ရှားသူ အမျိုးသမီး ဒေါ်ဘောက်ဂျာ ဖမ်းဆီးခံရတာအတွက် သူ့အနေနဲ့ စိုးရိမ်မကင်းဖြစ်ပြီး၊ သြဂုတ်လအတွင်း မြန်မာနုိုင်ငံကုို သွားရောက်မယ့် အစီအစဉ်အတွင်း အာဏာပုိုင်တွေနဲ့ ဆွေးနွေးမယ်လုို့လည်း မစ္စတာ ကင်တားနား ကဗွီအုိုအေကုို ပြောပါတယ်။ အပြည့်အစုံကုိုတော့ ဒေါ်လှလှသန်း ကတင်ပြပေးထားပါတယ်။

မြန်မာနုိုင်ငံဆုိုင်ရာ လူ့အခွင့်အရေး စုံစမ်းစစ်ဆေးရေးမှူး မစ္စတာ တောမတ်စ် အုိုဟေး ကင်တာနား ဟာ မြန်မာသမ္မတ ဦးသိန်းစိန် က သူ့ရဲ့မကြာမီက ဥရောပ ခရီးစဉ်အတွင်း ကတိပေးခဲ့တဲ့အတုိုင်း မြန်မာနုိုင်ငံမှာ ယုံကြည်ချက်နဲ့ အကျဉ်းကျနေသူတွေ ဒီနှစ်ကုန်မှာ မရှိစေရဘူးဆုိုတဲ့ ပြောဆုိုချက်အတုိုင်း ဇူလုိုင်လ ၂၃ ရက်နေ့က နုိုင်ငံရေး အကျဉ်းသား ၇၃ ဦးကုို ပြန်လွှတ်ပေးတဲ့အပေါ် ကြိုဆုိုလုိုက်ပါတယ်။ ဒါပေမဲ့ နုိုင်ငံရေး အကျဉ်းသား ၁၀၀ နီးပါး ဆက်လက် ကျန်ရှိနေသေးတဲ့ အတွက်လည်း အားလုံးကုို ပြန်လွှတ်ပေးဖုို့ သူကတောင်းဆုိုလုိုက်ပါတယ်။

“ယုံကြည်ချက်ကြောင့် အကျဉ်းကျနေသူ အားလုံးကုို ပြန်လွှတ်ပေးသင့်ပါတယ်။ ဘာကြောင့် တချို့နုိုင်ငံရေး အကျဉ်းသားတွေ ကျန်နေသေးတယ် ဆုိုတာကုို ကျနော် နားမလည်နုိုင်ပါဘူး။ ဒါဟာ ကျနော် လူ့အခွင့်အရေး စုံစမ်းစစ်ဆေးရေး မှူး ဖြစ်လာကတည်းက မြန်မာအစုိုးရကုို တောင်းဆုို လာခဲ့တာပါ။ နုိုင်ငံရေး အကျဉ်းသား အားလုံးကုို ပြန်လွှတ်ပေးရမှာ ဖြစ်ပါတယ်။”

ဒါ့အပြင် လူ့အခွင့်အရေး လှုပ်ရှားသူတွေကုို ဆက်လက် ဖမ်းဆီးမှုတွေ ရှိနေတဲ့ အပေါ်မှာလည်း စုိုးရိမ်မကင်း ဖြစ်တဲ့အကြောင်း မစ္စတာ ကင်တာနား ကပြောပါတယ်။

“အခု အရပ်သား အစုိုးရလက်ထက်မှာ အစုိုးရရဲ့ ပေါ်လစီတွေနဲ့ အမြင်ချင်းမတူတဲ့သူတွေကုို ပြန်ပြီးဖမ်းနေတာ တွေ့ရပါတယ်။ အထူးသဖြင့် သဘာဝ သယံဇာတ တူးဖော်မှု၊ ရေကာတာတည်ဆောက်မှု၊ လယ်ယာမြေသိမ်းဆည်းမှု၊ တခြားမိရုိုးဖလာ လုပ်ကုိုင်မှုတွေအပြင် ရခုိုင်ပြည်နယ်မှာ လူ့အခွင့်အရေး ကာကွယ်စောင့်ရှောက်သူတွေကုိုလည်း ဖမ်းဆီးနေတာ တွေ့ရပါတယ်။”

အထူးသဖြင့် အမျိုးသား ဒီမုိုကရေစီအင်အားစု (NDF) ပါတီရဲ့ ကချင်ပြည်နယ်ဆုိုင်ရာ ဥက္ကဋ္ဌဖြစ်သူ ဒေါ်ဘောက်ဂျာ ကုို ဇူလုိုင်လ ၁၈ ရက်နေ့က ဖမ်းဆီးခဲ့တဲ့ ကိစ္စနဲ့ပတ်သက်လုို့လည်း သူသြဂုတ်လ မြန်မာနုိုင်ငံကုို သွားရောက်တဲ့အခါ မြန်မာအာဏာပုိုင်တွေနဲ့ သူ့ရဲ့စုိုးရိမ်မကင်း ဖြစ်မှုကုို ထုတ်ဖော် ပြောကြားမယ်လုို့လည်း မစ္စတာ ကင်တာနား ကပြောပါတယ်။

“ကျနော့်အနေနဲ့ ဒေါ်ဘောက်ဂျာ ကိစ္စနဲ့ပတ်သက်လုို့ စုိုးရိမ်မကင်း ဖြစ်မိပါတယ်။ သူဖမ်းဆီးခံရတဲ့အကြောင်း ကျနော်ဖတ်ရပါတယ်။ သူ့ရဲ့အမှုကုို တရားရေးရာအရ ဆုံးဖြတ်မယ်ဆုိုတာလည်း သိပါတယ်။ အစုိုးရအနေနဲ့ ဒီနေရာမှာ စေတနာရင်းမှန်ဖုို့ လုိုပါတယ်။ တဘက်မှာ နုိုင်ငံရေးအကျဉ်းသား ၇၃ ဦးကုို လွှတ်ပေးပေမဲ့ တဘက်မှာ ပြန်ဖမ်းဆီးမှုတွေ ရှိနေပါတယ်။ ဒီနေရာမှာ လုိုအပ်တဲ့သူတွေကုို အကူအညီပေးနေတဲ့သူ၊ တကယ်ဆုို အစုိုးရလုပ်ရမယ့် တာဝန်ကုို သူက၀င်ရောက် ဆောင်ရွက်ပေးနေတာ ဖြစ်ပါတယ်။ ကျနော် သြဂုတ်လ မြန်မာပြည် သွားတဲ့အခါ ဒေါ်ဘောက်ဂျာ ကိစ္စကုို ထည့်သွင်းပြီး အာဏာပုိုင်တွေနဲ့ ဆွေးနွေးမှာ ဖြစ်ပါတယ်။”

ဒေါ်ဘောက်ဂျာကုို ၂၀၀၉ ခုနှစ်က ကျေးရွာအတွင်းမှာ ဖြစ်ပျက်ခဲ့တဲ့ အမှုနဲ့စွပ်စွဲပြီး ဖမ်းဆီးထားတာ ဖြစ်ပါတယ်။ သူ့ကုို လူသေမှုနဲ့ ပုဒ်မ ၃၀၄ (က) အပြင်၊ ဆေးထုိုးအပ် ကိုင်တဲ့အမှုနဲ့ ပုဒ်မ ၃၃ အပြင်၊ မြန်မာနုိုင်ငံ ဆေးဝါးအက်ဥပဒေ ပုဒ်မ ၄၁ စသဖြင့် ပုဒ်မ ၃ ခုနဲ့ ဖမ်းဆီးထားတာဖြစ်ပြီး ဒေါ်ဘောက်ဂျာဟာ လောလောဆယ်မှာ ဆက်သွယ်မှု ခက်ခဲတဲ့ ဖားကန့်မှာ ထိန်းသိမ်းခြင်း ခံထားရတယ်လုို့ သိရပါတယ်။

မစ္စတာ ကင်တာနား က မြန်မာအစုိုးရ အနေနဲ့ ပြုပြင်ပြောင်းလဲရေး ဖော်ဆောင် ရာမှာ ငြိမ်းချမ်းစွာ စုဝေးဆန္ဒပြမှု၊ လွတ်လပ်စွာ ထုတ်ဖော်ပြောဆုိုမှု စတဲ့ အခြေခံ လူ့အခွင့်အရေးတွေကုို လေးစားလုိုက်နာပြီး၊ ဥပဒေတွေကုို ပြင်ဆင်ရာ မှာ မြန်မာနုိုင်ငံရဲ့ တရားရေးစနစ်ဟာလည်း သီးခြားရပ်တည်ဖုို့ အရေးကြီးတယ် လုို့လည်း သူကပြောပါတယ်။

“လွတ်လပ်စွာ ထုတ်ဖော်ပြောဆုိုခွင့်၊ ဆန္ဒပြခွင့် စသဖြင့်ဟာ လူ့အခွင့်အရေး ပဋိဥာဏ် စာတမ်းကြီးမှာ သိပ်ကုိုအရေးကြီးတဲ့ အခွင့်အရေးတရပ် ဖြစ်ပါတယ်။ ဒါကုို မြန်မာအစုိုးရက လေးစားဖုို့ လုိုအပ်ပါတယ်။ အထူးသဖြင့် ဆန္ဒပြသူတွေကုို ဒေသခံအာဏာပုိုင်တွေ၊ ရဲနဲ့တရားရုံးတွေက တုန့်ပြန် အရေးယူတာတွေကုို နုိုင်ငံတော် အစုိုးရက လေးလေးနက်နက် စုံစမ်းစစ်ဆေးသင့်ပါတယ်။ ဒီလုိုဆန္ဒပြသူတွေကုို ဖမ်းဆီးမှုတွေ တွေ့နေရပါတယ်။ ဒါဟာ နုိုင်ငံရေးအရ လှုံ့ဆော်မှု အကြောင်းတရားတွေ ပါနေလုို့ဖြစ်ပါတယ်။ ဒါကြောင့် ဒီကိစ္စကုို အစုိုးရက စုံစမ်းစစ်ဆေး ပေးသင့်ပါတယ်။ ဒီအကြောင်း ကျနော်မကြာမီ သြဂုတ်လကျ မြန်မာနုိုင်ငံ သွားတဲ့အခါမှာ ဆွေးနွေးဖုို့ ရှိပါတယ်။”

၂၀၀၈ ခု၊ မေလကစပြီး လူ့အခွင့်အရေး စုံစမ်းစစ်ဆေးရေးမှူးအဖြစ် တာဝန်ထမ်း ဆောင်ခဲ့သူ မစ္စတာ ကင်တာနား ဟာ ဒီနှစ်အတွင်း ဖေဖော်ဝါရီလ ၁၂ ရက်နေ့ ကလည်း မြန်မာနုိုင်ငံကုို ၆ ရက်ကြာ သွားရောက်ခဲ့တာ ဖြစ်တဲ့အတွက်ကြောင့် သြဂုတ်လ ခရီးစဉ်ဟာ ဒုတိယမြောက် မြန်မာနုိုင်ငံကုို ဒီနှစ်အတွင်း သွားရောက် တဲ့ ခရီးစဉ်လည်း ဖြစ်မှာပါ။ 

 

Credit to VOA Myanmar news

အပစ်ရပ် မွန်ပြည်သစ်နဲ့ မြန်မာစစ်တပ် အခြေအနေတင်းမာ

နိုင်ကွန်းအိန်

31.07.2013 အပစ်ရပ် မွန်ပြည်သစ်နဲ့ မြန်မာစစ်တပ် အခြေအနေတင်းမာ

ပြည်ထောင်စုအဆင့် အပစ်အခတ်ရပ်စဲရေး သဘောတူ လက်မှတ်ရေးထိုးထားတဲ့ မွန်ပြည်သစ်ပါတီနဲ့ မြန်မာစစ်တပ်တို့အကြား တနင်္သာရီတိုင်း ဒေသကြီး မြိတ်ခရိုင်ဘက်မှာ စစ်ရေးတင်းမာနေတဲ့ အခြေအနေမှာ ရှိနေတယ်လို့ မြိတ်ခရိုင်ဒေသခံ တပ်မှူးတွေက ပြောပါတယ်။ မွန်ပြည်သစ်တပ်ဖွဲ့ဝင်တွေ အခြေပြုရာ ထန်ဖရ ဂွင်ဘက်ကို မြန်မာစစ်တပ်ကနေ နယ်မြေရှင်းလင်းရေး လုပ်ဆောင်နေတဲ့အတွက် တိုက်ပွဲ ဖြစ်ပွားလာနိုင်ဖွယ်ရှိတယ်လို့လည်း ဒေသခံတပ်မှူးတွေက ပြောပါတယ်

မွန်ပြည်သစ်ပါတီဘက်ကတော့ ထိုးစစ်ဆင်မှုကို ရပ်တန့်ပေးဖို့ တောင်းဆိုထားသလို မြန်မာစစ်တပ်ဘက်ကနေ ဖမ်းဆီးသွားတဲ့ မွန်ပြည်သစ် တပ်မိသားစုဝင်တွေနဲ့ ရွာသားတွေကို အခုထိ ပြန်လည် လွတ်မြောက်လာတာ မရှိသေးတဲ့ အခြေအနေတွေကို ထိုင်းအခြေစိုက် ဗွီအိုအေသတင်းထောက် နိုင်ကွန်းအိန်ကနေ သတင်းပေးပို့ခဲ့ပါတယ်။

တနသာင်္ရီတိုင်းဒေသကြီး မြိတ်ခရိုင်ဘက်မှာ အခြေပြု လှုပ်ရှားနေတဲ့ မွန်ပြည်သစ်ပါတီ တပ်ဖွဲ့တွေနဲ့ မြန်မာစစ်တပ်အကြားမှာ စစ်ရေးအခြေအနေ တင်းမာနေတယ်လို့ ဒေသခံတပ်မှူးတွေက ပြောပါတယ်။  မွန်ပြည်သစ်တပ်ဖွဲ့ဝင်ရှိရာ ပေါင်းကိုးဒေသဘက်ကို မြန်မာစစ်တပ်ကနေ နယ်မြေရှင်းလင်းရေး လုပ်ဆောင်နေတာကြောင့် တိုက်ပွဲဖြစ်ပွားဖို့ အခြေအနေရှိနေတယ်လို့လည်း  မွန်ပြည်သစ်ပါတီ မြိတ်ခရိုင် ဒေသခံတပ်မှူး ဗိုလ်မှူးဟံသာက ပြောပါတယ်။
“သူတို့ ထန်ဖရ ဂွင်မှာပဲ နေရာယူထားတုန်းပဲပေါ့။ တပ်ခွဲ နှစ်ခွဲတော့ ကျနော်တို့ ဒီ ထန်ဖရ ဂွင်နဲ့ ကျနော်တို့ တပ်စခန်းရှိရာ နေရာကို လာပြီးတော့ ကြည့်ဖို့ အခြေအနေ ရှိတယ်ပေါ့။ ကျနော်တို့လည်း အဲဒီဂွင်မှာပဲ။ ကျနော်တို့ လူတွေ တပ်တွေ ဖြန့်ထားတာရှိတယ်။ တကယ်လို့ သတင်းမပေးဘဲ ၀င်လာရင် တိုက်ပွဲဖြစ်ဖို့ အခြေအနေ ရှိတယ်ပေါ့။”

လက်ရှိ မြိတ်ခရိုင်ဒေသမှာ မွန်ပြည်သစ်ပါတီ တပ်ဖွဲ့နဲ့ မြန်မာစစ်တပ်တို့ စစ်ရေးအသင့်ပြင်နေတဲ့ အနေအထားမှာ ရှိနေတယ်လို့လည်း ဗိုလ်မှူး ဟံသာ က ပြောပါတယ်။ ပြီးခဲ့တဲ့ ဇူလိုင် ၁၆ ရက်နေ့က မွန်ပြည်သစ်ပါတီ တပ်စခန်းချရာ မြိတ်ခရိုင် ပေါင်းကိုးဒေသ သုမင်္ဂလံရွာနားက တပ်စခန်းကို အစိုးရ ခမရ (၅၈၁) တပ်ဖွဲ့တို့ကနေ ၀င်ရောက်တိုက်ခိုက်ခဲ့တဲ့အတွက် မွန်ပြည်သစ်ပါတီဘက်က နှစ်ဦး သေဆုံးသွားသလို၊ မြန်မာစစ်တပ်ဘက်က ၁ ဦး ကျဆုံးပြီး ၄ ဦး ဒဏ်ရာရရှိခဲ့ပါတယ်။

ဒါဟာ မွန်ပြည်သစ်ပါတီနဲ့ မြန်မာစစ်တပ်တို့အကြား ၁၈ နှစ်တာကာလအတွင်းမှာ ပထမဆုံးအကြိမ် အပြန်အလှန် ပစ်ခတ်မှုတွေ ဖြစ်ခဲ့တာပါ။ မြန်မာစစ်တပ်တွေအနေနဲ့ မြိတ်ခရိုင် ဒေသဘက်မှာ လှုပ်ရှားနေတဲ့ မွန်ပြည်သစ်တပ်ဖွဲ့တွေကို ထိုးစစ်ဆင်မှု ရပ်တန့်ပေးဖို့ မြန်မာအာဏာပိုင်တွေကို တောင်းဆိုထားတယ်လို့ မွန်ပြည်သစ်ပါတီ ဗဟို အလုပ်အမှုဆောင် ကော်မတီဝင် နိုင်တလညီ က မွန်ဘာသာနဲ့ အခုလို ပြောပါတယ်။

အစိုးရဘက်ကနေ စစ်ရေးအရ ထိုးစစ်ဆင်နေတာတွေ ရပ်ပေးဖို့ ကျနော်တို့ တောင်းဆိုထားတယ်။ သူတို့အနေနဲ့ကတော့ တမော့ချမ်းတို့ဟာ မွန်ပြည်သစ်ပါတီက မဟုတ်ဘူးလို့ သူတို့ နားလည်ထားတယ်လို့ ပြောလာတယ်ပေါ့နော်။ တမော့ချမ်းတို့ဟာ ကျနော်တို့ မွန်ပြည်သစ်ပါတီ တပ်ဖွဲ့ဝင်လို့ ကျနော်တို့ တင်ပြထားတာရှိတယ်လို့ မွန်ဘာသာနဲ့ ပြောဆိုသွားတာပါ။
ဒီတိုက်ပွဲ မဖြစ်ပွားခင်နဲ့ ဖြစ်ပွားအပြီးမှာ မြန်မာစစ်တပ်ကနေ မွန်ပြည်သစ် တပ်ဖွဲ့ဝင်တွေနဲ့ ရွာသားတွေကို ဖမ်းဆီးသွားခဲ့ပါတယ်။ အဲဒီ ဖမ်းဆီးခံရသူတွေ ပြန်လည် လွတ်မြောက်လာတာ မရှိသေးဘူးလို့လည်း မြိတ်ခရိုင် ဒေသခံတပ်မှူး ဗိုလ်မှူး ဟံသာ ကပြောပါတယ်။

“အခု လောလောဆယ်တော့ တယောက်မှ လွတ်လာတာ မရှိသေးပါဘူး။ သူတို့ ထိန်းသိမ်းဆဲပဲ။ အကုန်လုံးဆိုရင် ကျနော်တို့ တပ်ဖွဲ့ဝင်နှစ်ယောက်၊ သူ့ဇနီး နှစ်ယောက်ဆိုရင်တော့ ၄ ယောက်ပေါ့။ နောက်ပြီးတော့ ရွာသား တစ်ယောက်ဆို စုစုပေါင်း ၅ ယောက်ပေါ့နော်။”

အခုလို ဖြစ်ပွားတဲ့တိုက်ပွဲနဲ့ ပက်သက်ပြီး မြန်မာစစ်တပ်က ဖမ်းဆီးထားတဲ့သူတွေ ပြန်လွှတ်ပေးဖို့နဲ့ စစ်ရေးပြဿနာ ဖြေရှင်းဖို့အတွက် မွန်ပြည်သစ်ပါတီ ခေါင်းဆောင်တွေအနေနဲ့ မြန်မာငြိမ်းချမ်းရေး ဖော်ဆောင်ရေး ကော်မီတီတို့နဲ့ လာမယ့်ရက်တွေမှာ ဆက်လက် ဆွေးနွေးသွားဖွယ် ရှိတယ်လို့လည်း မော်လမြိုင်ရုံးနေ မွန်ပြည်သစ်ပါတီ အရာရှိတဦးက ပြောပါတယ်။

တနင်္သာရီတိုင်း မြိတ်ခရိုင်ဒေသမှာ လှုပ်ရှားနေတဲ့ မွန်ပြည်သစ်ပါတီတပ်ဖွဲ့ကို မြန်မာအစိုးရစစ်တပ်ကနေ ၀င်ရောက် တိုက်ခိုက်ခဲ့တဲ့ လုပ်ရပ်ကို ရှုတ်ချတဲ့အနေနဲ့ ထိုင်းနိုင်ငံရောက် မွန်ရွှေ့ပြောင်းအလုပ်သမားများ၊ ထိုင်းနိုင်ငံ တက္ကသိုလ်မှာ ပညာသင်ကြားနေတဲ့ မွန်ကျောင်းသူကျောင်းသားများ ဘန်ကောက်မြို့မှာရှိနေတဲ့ မွန်များ စုစုပေါင်း ၁၅၀ ခန့်ဟာ ဇူလိုင် ၂၉ ရက်နေ့တုန်းက ဘန်ကောက်မြို့မှာရှိတဲ့ ထိုင်းနိုင်ငံဆိုင်ရာ မြန်မာသံရုံးရှေ့မှာ ဆန္ဒပြခဲ့ကြပါတယ်။

မွန်ပြည်သစ်ပါတီဟာ ၁၉၉၅ ခုနှစ် ဇွန်လမှာ မြန်မာစစ်အစိုးရနဲ့ အပစ်အခတ် ရပ်စဲရေး သဘောတူ လက်မှတ်ရေးထိုးနိုင်ခဲ့ပြီး ၂၀၁၀ ခုနှစ် ဧပြီလမှာ နယ်ခြားစောင့်တပ် အသွင်ပြောင်းလဲရေးကိစ္စနဲ့ ပက်သက်ပြီးတော့ ငြိမ်းချမ်းရေး ပျက်ပြယ်သွားခဲ့ပါတယ်။

 ၂၀၁၂ ခုနှစ် ဖေဖေါ်ဝါရီလမှာ ၀န်ကြီး ဦးအောင်မင်း ခေါင်းဆောင်တဲ့ အစိုးရငြိမ်းချမ်းရေး ဖော်ဆောင်ရေး ကော်မီတီအဖွဲ့နဲ့ ပြည်ထောင်စုအဆင့် အပစ်အခတ်ရပ်ဆဲရေး သဘောတူညီချက် လက်မှတ်ရေးထိုးနိုင်ခဲ့ပါတယ်။ 

 

Cradit to VOA Myanmar News

ရေနံယိုဖိတ်မှု ထိုင်းခရီးသွားလုပ်ငန်းရှင်တွေစိုးရိမ်

ဗွီအိုအေ (မြန်မာပိုင်း)

31.07.2013

ထိုင်းနိုင်ငံ အပန်းဖြေကျွန်းတကျွန်းရဲ့ ကမ်းရိုးတန်းတလျှောက်ကနေ ယိုစိမ့် ပျံ့နှံ့ပြီး ထိုင်းနိုင်ငံကုန်းမြေထိ ရောက်ရှိနိုင်တဲ့ ရေနံစိမ်းတွေကို တားဆီးဖို့ အထူး အကာအကွယ် လုပ်ထားတဲ့ အဖြူရောင်ဝတ်စုံတွေနဲ့ လုပ်သားတွေဟာ တူးရွင်းတွေ ရေပုံးတွေနဲ့ အကြီးအကျယ် ကြိုးစားနေကြပါတယ်။

ရေနံစိမ်းတွေဟာ Samet ကျွန်းရဲ့ ကမ်းခြေ အတော်များများဆီ အင်္ဂါနေ့က ရေနံစိမ်းတွေ လာတင်ခဲ့ပြီး အဲဒီ ရေနံစိမ်းတွေကို ဖယ်ရှားပစ်ဖို့ ထိုင်းစစ်သားတွေနဲ့ စွမ်းအင်ကုမ္ပဏီရဲ့ ရာနဲ့ချီတဲ့ ဝန်ထမ်းတွေ လုပ်ဆောင်နေကြပါတယ်။

ကျွန်းတဝိုက်က ရေပေါ်မှာရှိနေတဲ့ ဆီကြောကြီးကို ဖယ်ပစ်ပြီး မိုင်တော်တော်အဝေးမှာရှိတဲ့ ရနောင်းခရိုင် ကမ်းရိုးတန်းဘက်ကို လေပြင်းနဲ့ လှိုင်းလုံးတွေနဲ့ ပါမသွားဖို့ ကြိုးစားနေကြတယ်လို့ အာဏာပိုင်တွေက ပြောပါတယ်။

ဒီလို ရေနံစိမ်း ယိုစိမ့်မှုကြောင့် နိုင်ငံခြားခရီးသွားတွေ အများကြီး ပြန်သွားကြလို့ ဒီအပန်းဖြေကျွန်းရဲ့ ခရီးသွားလုပ်ငန်းအပေါ် ရိုက်ခတ်မှုကြီးမှာကို ပိုပြီး စိုးရိမ်လာနေကြပါတယ်။

Ko Samet လို့လည်းခေါ်တဲ့ ဒီကျွန်းမှာ ကမ်းခြေတွေက အဖြူရောင် သဲသောင်တွေနဲ့မို့လို့ နိုင်ငံခြား ခရီးသွားတွေရော ဒေသခံတွေပါ ကြိုက်ကြတာပါ။ ထိုင်းအစိုးရပိုင် PTT ရေနံကုမ္ပဏီနဲ့ ဌာနခွဲတခု ဦးစီးလုပ်ကိုင်တဲ့ ရေနံပိုက်လိုင်းကနေ လီတာ (၅) သောင်းလောက်ရှိတဲ့ ရေနံစိမ်းတွေဟာ စနေနေ့ကပဲ ထိုင်းပင်လယ်ကွေ့မှာ ယိုစိမ့်ထွက်ကုန်တာပါ။ ဒါဟာ ထိုင်းနိုင်ငံသမိုင်းမှာ စတုတ္ထအကြီးဆုံး ရေနံ ယိုစိမ့်မှုဖြစ်ပါတယ်။

PTT ကတော့ ယိုစိမ့်တဲ့ရေနံစိန်းတွေကို (၃) ရက်အတွင်း အပြီး ဖယ်ရှားနိုင်ဖို့ ခန့်မှန်းထားတယ်လို့ အင်္ဂါနေ့မှာပဲ ပြောသွားတာပါ။ ဒါပေမဲ့ ရှင်းလင်းရေး လုပ်ငန်းတွေ ပြီးဖို့ အများကြီး လိုသေးတယ်လို့ ပတ်ဝန်းကျင် ထိန်းသိမ်းသူတွေကပြောပြီး PTT ဟာ ဒီလိုအဖြစ်မျိုး ပေါ်ပေါက်လာရင် ပြဿနာကို ဘယ်လို ရှင်းမလဲ ကြိုပြင်ဆင် မထားဘူးလို့လည်း စွပ်စွဲသွားပါတယ်။ 

 

Credit to VOA Myanmar news

မြန်မာ့ကြွေး ဒေါ်လာသန်း ၅၅၀ လျှော်ဖို့ ပြင်သစ်သဘောတူ

 

ကိုကျော်ကျော်သိန်း

31.07.2013

မြန်မာနိုင်ငံက ပြင်သစ်နိုင်ငံကို ပေးဆပ်ဖို့ ကျန်ရှိသေးတဲ့ကြွေးမြီ အမေရိကန်ဒေါ်လာ သန်း ၅၅၀ ကို အတိုးနှုန်း ၂ ရာခိုင်နှုန်း နဲ့ ၁၅ နှစ်အတွင်း အရစ်ကျ ပြန်ပေးဆပ်သွားဖို့ သဘောတူလိုက်ကြပါတယ်။ ပြင်သစ် ပြည်ပ ကုန်သွယ်ရေးဝန်ကြီးရဲ့ မြန်မာ နိုင်ငံခရီးစဉ်အတွင်း အင်္ဂါနေ့က အဲဒီလို သဘောတူလက်မှတ် ရေးထိုးခဲ့ကြတဲ့ထဲမှာ စုစုပေါင်းကြွေးမြီရဲ့ ၅၀ ရာခိုင်နှုန်း သန်း ၅၅၀ ကို လျှော်ပစ်ပေးထားခဲ့တာနဲ့ ပတ်သက်တဲ့ တရားဝင် သဘောတူညီ ချက်လည်းပါဝင်ပါတယ်။  ဒီအခြေအနေတွေ အပါအ၀င် ပြင်သစ်- မြန်မာ ကုန်သွယ်ရေးနဲ့ ရင်းနှီးမြှုပ်နှံမှုဆိုင်ရာတွေကို ရန်ကုန်မြို့ကနေ ကိုကျော်ကျော်သိန်းက သတင်းပေးပို့ထားပါတယ်။

ပြင်သစ်နဲ့ မြန်မာနိုင်ငံတို့အကြား ကြွေးမြီဆိုင်ရာ အခုသဘောတူညီချက်ဟာ
နှစ်ပေါင်း ၂၀ အတွင်း ပထမဆုံးအကြိမ် အဖြစ် လက်မှတ်ရေးထိုးတဲ့ သဘောတူညီချက် ဖြစ်ပါတယ်လို့ ပြင်သစ် ပြည်ပကုန်သွယ်ရေးဝန်ကြီး မစ္စစ် နီကိုးလ် ဘရိ(က်) က ရန်ကုန်မြို့၊ ပြင်သစ်သံရုံးမှာ ဗုဒ္ဓဟူးနေ့ကလုပ်ခဲ့တဲ့ သတင်းစာရှင်းလင်းပွဲအတွင်း စကားပြန်ကတဆင့် ပြောသွားပါတယ်။

"ဗုဒ္ဓဟူးနေ့ မနက်ပိုင်းက အင်မတန် ဂုဏ်ယူစရာကောင်းတဲ့ နှစ်ဘက် သဘောတူ လက်မှတ်ရေးထိုးပွဲတခုကို သူ တက်ရောက်ခဲ့တဲ့အကြောင်း၊ အဲဒီ သဘောတူညီချက်အရ ကြွေးမြီဒေါ်လာ သန်း ၅၅၀ ကို လျှော်ပစ်ပြီး ကျန်ကြွေးမြီဒေါ်လာ သန်း ၅၅၀ ကိုလည်း အတိုးနှုန်း သက်သက်သာသာနဲ့ အရစ်ကျ ပေးဆပ်ဖို့ ပြီးခဲ့တဲ့ ဇန်န၀ါရီလက ပဲရစ်ကလပ် အစည်းအဝေးအတွင်း သဘောတူညီထားခဲ့တဲ့အကြောင်း၊" ပြင်သစ်ကုန်သွယ်ရေးဝန်ကြီးက ပြောသွားပါတယ်။

အခုလို ကြွေးမြီလျှော်ပေးလိုက်တာကနေ အပြည်ပြည်ဆိုင်ရာ ငွေကြေးရန်ပုံငွေ အဖွဲ့ IMF ရဲ့ အကူအညီနဲ့ မြန်မာနိုင်ငံအတွက် ရေရှည်ခိုင်မာတဲ့ ဘဏ္ဍာရေးအခြေအနေကို ထိန်းထားနိုင်ပြီး ဖွံ့ဖြိုးတိုးတက်ရေးဆိုင်ရာ မူဝါဒတွေကို စီမံခန့်ခွဲနိုင်မယ်လို့ မျှော်လင့် တဲ့အကြောင်း ပြင်သစ်သံရုံးရဲ့ သတင်းထုတ်ပြန်ချက်မှာ ဖော်ပြထားပါတယ်။

ပြင်သစ် ပြည်ပကုန်သွယ်ရေး ၀န်ကြီးဟာ ဗုဒ္ဓဟူးနေ့က နေပြည်တော်မှာ ဘဏ္ဍာရေးဝန်ကြီးဌာန ပြည်ထောင်စုဝန်ကြီး၊ အမျိုးသား စီမံကိန်းနဲ့ စီးပွားဖွံ့ဖြိုးတိုးတက်ရေး ၀န်ကြီးဌာန ပြည်ထောင်စုဝန်ကြီးတို့နဲ့ တွေ့ဆုံ ခဲ့သလို ဒေါ်အောင်ဆန်းစုကြည်နဲ့လည်း တွေ့ဆုံခဲ့ပါတယ်။ ပြင်သစ်ကုမ္ပဏီတွေအနေနဲ့ တာဝန်သိစွာ ရင်းနှီးမြှုပ်နှံမှုတွေလုပ်ဖို့၊ သဘာဝပတ်ဝန်းကျင်ကို အလေးထား လုပ်ဆောင်ဖို့တွေကို ဒေါ်အောင်ဆန်းစုကြည်က ဆွေးနွေးခဲ့တယ်လို့ မစ္စစ်ဘရိ(က်) က ပြောပါတယ်။

မစ္စစ်ဘရိ(က်) ရဲ့ အခုခရီးစဉ်ဟာ ပြင်သစ်အစိုးရရဲ့ စီးပွားရေးဆိုင်ရာ တာဝန်ရှိသူတစ်ဦးအနေနဲ့ ပထမဆုံးခရီးစဉ်ဖြစ်တာကြောင့် တနည်းအားဖြင့် အောင်မြင်တဲ့ ခရီးစဉ်တစ်ခုဖြစ်ပါတယ်လို့ မြန်မာနိုင်ငံ ဆိုင်ရာ၊ ပြင်သစ်သံရုံးက စီးပွားရေးဝန်ဆောင်မှုဌာန အကြီးအကဲ မစ္စတာ ဒိုမိနစ်ခ် ကိုးစ် (Dominique Causse) က ပြောပါတယ်။

"မြန်မာနဲ့ ပြင်သစ်နိုင်ငံအကြား ဆက်ဆံရေးဟာ သဘာဝအားဖြင့် စီးပွားရေးနဲ့ ကုန်သွယ်ရေးဆိုင်ရာ ဆက်ဆံရေးဖြစ်ရမယ်ဆိုတာ သူက ပြချင်ပါတယ်။ နိုင်ငံ
ရေး သက်သက် ဆက်ဆံရေးမဟုတ်ပါဘူး။ ဆက်ဆံရေးကို ကုမ္ပဏီတွေအကြား စီးပွားဆက်ဆံရေးအဖြစ် ပြောင်းလဲရပါမယ်။ သူနဲ့ အတူ ပြင်သစ်ကုမ္ပဏီ ၁၅ ခု လိ်ုက်ပါလာပြီး ပြင်သစ်ကုန်သွယ်ရေးကော်မရှင်ရုံး Ubifrance ကနေတစ်ဆင့် အဆက်အသွယ်တွေ တည်ဆောက်ခဲ့ကြပါတယ်။"

ပြင်သစ် ပြည်ပကုန်သွယ်ရေးဝန်ကြီးနဲ့ အတူလိုက်ပါလာတဲ့ ကုမ္ပဏီတွေထဲမှာ စိုက်ပျိုးရေးကဏ္ဍ၊ အလှကုန်လုပ်ငန်းကဏ္ဍ၊ သယ်ယူပို့ဆောင်ရေးကဏ္ဍ၊ ဘဏ္ဍာရေးဝန်ဆောင်မှုကဏ္ဍ၊ ဟော်တယ်တည်ဆောက်ရေး စီမံကိန်းတွေအတွက် ပိသုကာပိုင်း ၀န်ဆောင်မှုပေးတဲ့ကဏ္ဍ၊ ရထားပို့ဆောင်ရေးကဏ္ဍ စတဲ့ကုပ္မဏီတွေပါဝင်တယ်လို့ စီးပွားရေးဌာန တာဝန်ရှိသူတွေက ပြောပါ တယ်။

ပြင်သစ်နိုင်ငံအနေနဲ့ မြန်မာနိုင်ငံနဲ့ ဆက်ဆံရေးမှာ အခုအခါ နိုင်ငံရေးအစား စီးပွားရေးပိုင်းကို ပိုပြီး အာရုံစိုက်လာပြီလားဆိုတဲ့ မေးခွန်းကို အဲဒီလိုပြောနိုင်ကြောင်း မစ္စတာ ဒိုမိနစ်ခ်က ပြန်ဖြေခဲ့ပါတယ်။

Ubifrance ရုံးဟာ ပြင်သစ် ပြည်ပကုန်သွယ်ရေးဝန်ကြီးဌာနရဲ့ လက်အောက်ခံ
ဖြစ်ပြီး လုပ်ငန်းလုပ်ဆောင်နေတာ လအနည်းငယ် ရှိနေပြီဖြစ်ပြီးတော့ ပြည်ပ ကုန်သွယ်ရေးဝန်ကြီးက ဗုဒ္ဓဟူးနေ့မှာ တရားဝင် ဖွင့်လှစ်ပေးခဲ့တာပါ။

ပြင်သစ်က မြန်မာနိုင်ငံဆီတင်ပို့ကုန်ပမာဏဟာ ၂၀၁၃ ခုနှစ် ပထမ ငါးလအတွင်း ၂၇၅% တိုးတက်ခဲ့ပြီးတော့ ယူရို ၂၃.၉ သန်း ရှိခဲ့ပြီးတော့ မြန်မာက ပြင်သစ်နိုင်ငံဆီ တင်ပို့ကုန် ပမာဏဟာ အလားတူ ကာလအတွင်း အဆပေါင်း ၁၂၅၀ ရာခိုင်နှုန်း တိုးတက်ခဲ့ပြီး ယူရို ၁ ဒဿမ ၅ သန်းကနေ ၂၀ ဒဿမ ၄ သန်းအထိ တိုးသွားခဲ့တယ်လို့ သတင်းထုတ်ပြန်ချက်ထဲမှာ ဖော်ပြထားပါတယ်။

ပြင်သစ်က တင်ပို့ကုန်အများစုဟာ လေယာဉ်တွေ၊ ဆေးဝါးတွေ၊ စက်ပစ္စည်း ကိရိယာတွေဖြစ်ပြီး ဒီနှစ်ဆန်းကစလို့ မြန်မာနိုင်ငံ ကနေ တင်ပို့ကုန်အများစုဟာ လက်ဝတ်ရတနာတွေဖြစ်တယ်လို့ စီးပွားရေးဌာန အကြီးအကဲကပြောပါတယ်။ ဒါ့အပြင် အထည် ထုတ်ကုန်တွေဟာ အခုချိန်ထိတော့ အရေအတွက် အများကြီး မဟုတ်သေး ပေမဲ့ တိုးလာနေတယ်လို့လည်း ပြောပါတယ်။

ပြင်သစ်စီးပွားရေးလုပ်ငန်းရှင်တွေဟာလည်း တခြားနိုင်ငံတွေက လုပ်ငန်းရှင်တွေလိုပဲ လက်ရှိ မြန်မာနိုင်ငံက အပြောင်းအလဲတွေ အပေါ် ကျေနပ်အားရရှိကြပေမဲ့ ရင်းနှီးမြှုပ်နှံဖို့နေရာမှာ စိုးရိမ်ချက်တွေက ရှိနေတာပါ။

"အခြေခံ အဆောက်အအုံတွေက အခုထိ သိပ်ကြီး မကောင်းလှသေးပါဘူး။ လမ်းတွေ၊ လျှပ်စစ်မီးတွေ အခြေအနေ မကောင်းသေးပါဘူး။ ဆက်သွယ်ရေးပိုင်း တိုးတက်အောင် လုပ်ဖို့လိုပါတယ်။ ဒါ့အပြင် လူသားအရင်းအမြစ်ပိုင်းကိုလည်း
ပြောရပါမယ်။ ကုမ္ပဏီတွေကလိုအပ်တဲ့ အရည်အချင်းအဆင့်နဲ့ မြန်မာနိုင်ငံသား
တွေကိုရဖို့က မလွယ်ကူပါဘူး။ လုပ်နိုင်စွမ်းကရှိပါတယ်၊ သူတို့ကို လေ့ကျင့်ပေးဖို့ လိုပါ တယ်။ လူတွေကို လေ့ကျင့်သင်တန်းပေးဖို့က ပြဿနာမဟုတ်ပါဘူး၊ ဒါကြောင့် ကုမ္ပဏီတွေက လုပ်ဖို့လိုပါတယ်။ အလားတူပါပဲ၊ ဘဏ်စနစ်က လည်း ကောင်းကောင်း လည်ပတ် လုပ်ဆောင်နိုင်ခြင်းမရှိသေးသလို မြေဈေး အိမ်ဈေးတန်ဖိုးကလည်း ပြင်သစ် ကုမ္ပဏီတွေ အဓိကထည့်သွင်းစဉ်းစားတဲ့ထဲမှာ ပါနေပါတယ်။"

မြန်မာနိုင်ငံရဲ့ ဟော်တယ်နဲ့ ခရီးသွားလုပ်ငန်းဟာ အရှိန်အဟုန်နဲ့ တိုးတက်လာနေတဲ့ကဏ္ဍဖြစ်နေတဲ့အတွက် ပြင်သစ်ကုမ္ပဏီ တွေ ရင်းနှီးမြှုပ်နှံဖို့ စိတ်အ၀င်စားဆုံးကဏ္ဍဖြစ်တယ်လို့ သတင်းစာရှင်းလင်းပွဲအတွင်း Ubifrance ရုံး တာဝန်ရှိသူတစ်ဦးက ပြောသွားပါတယ်။ 

 

Credit to VOA Myanmar News

မိုးသည်းထန်မှုကြောင့် ထိုင်း-မြန်မာအရှည်ဆုံး သစ်သားတံတားကျိုး

နိုင်ကွန်းအိန်

29.07.2013

ထိုင်းနိုင်ငံရဲ့ အရှည်လျားဆုံး နာမည်ကျော် စံခလဘူရီသစ်သားတံတားဟာ မိုးသည်းထန် ရွာသွန်းပြီး ရေတိုက်စားမှုကြောင့် မနေ့ညက ပြိုကျပျက်စီးသွားခဲ့ပါတယ်။ အရှည်(၄၄၀) မီတာကျော် ရှည်လျားတဲ့ ဒီတံတား ပျက်စီးသွားတဲ့အတွက် ဒေသခံ ကျောင်းသားကျောင်းသူတွေ၊ အလုပ်သမားတွေ သွားလာရေးမှာ အခက်တွေ့နိုင်သလို ဒီတံတားဟာ ခရီးသည် အများအပြား လာရောက်လည်ပတ်တဲ့ နေရာဖြစ်လို့ ထိုင်းနိုင်ငံအတွက် ၀င်ငွေထိခိုက်နိုင်တယ်လို့လည်း ဒေသခံတွေက ပြောပါတယ်။

ဒီတံတားကို လာမယ့် ပွင့်လင်းရာသီမှာမှ ပြန်လည်ပြင်ဆင်နိုင်မယ်လို့လည်း တံတား တည်ဆောက်ရေး ဦးဆောင်ဆရာတော်ကနေ ပြောဆိုမှုတွေလည်း ရှိနေပါတယ်။ ဒီအခြေအနေကို ထိုင်းအခြေစိုက် ဗွီအိုအေသတင်းထောက် နိုင်ကွန်းအိန်ကနေ သတင်းပေးပို့ခဲ့ပါတယ်။

မိုးသည်းထန်ရွာ ရေကြီးမှုကြောင့် မနေ့ညဘက်မှာ စံခလဘူရီမြို့မှာရှိတဲ့ ထိုင်းနိုင်ငံရဲ့ အရှည်ဆုံးသော သစ်သားတံတား ပြိုကျပျက်စီးခဲ့ပါတယ်။ အဆက်မပြတ် ရွာသွန်းတဲ့ မိုးတွေကြောင့် ရေတိုက်စားခြင်း ခံရာကနေ တံတားကြီးပါ ပြိုကျပျက်စီးခဲ့ရတယ်လို့ တံတားအနီး နေထိုင်သူ ဒေသခံတဦးက မွန်ဘာသာနဲ့ အခုလို ပြောပါတယ်။

“ရေကြီးလာတော့ အမှိုက်ဒိုက်သရောတွေ ပုံလာတယ်။ တံတားအောက်ခြေမှာ ဖေါင်အိမ် ၃၀ လောက် ချည်ထားတယ်။ ရေကြီးလာတဲ့အခါ အမှိုက်ဒိုက်တွေက တံတားကို အရှိန်နဲ့ရိုက်လာတယ်။ ဖေါင်အိမ်က ကြိုးတွေကလည်း ဆွဲထားတယ်ဆိုတော့ တံတားပြိုလဲသွားတာပေါ့။ မနေ့ည ၆ နာရီကျော်လောက်မှာ ပျက်စီးသွားတာပေါ့နော်။”
ဒီတံတားဟာ စံခလဘူရီမြို့က ထိုင်းဘက်ကမ်းနဲ့ မွန်ဘက်ကမ်းကို ဆက်သွယ်ထားတဲ့ တံတားဖြစ်ပြီး အရှည် ၄၄၀ မီတာကျော် ရှည်လျားပါတယ်။ အခုပျက်စီးသွားတဲ့ နေရာကတော့ ထိုင်းဘက်ခြမ်းအနီး တံတားအလယ်ခေါင်က အရှည် ၇၀ မီတာလောက် ပြိုကျသွားခဲ့တာပါ။ ရေကြီးမှုကြောင့် တံတားနဲ့အတူ ဖေါင်အိမ် ၅၀ ခန့် ရေထဲမျောပါသွားတယ်လို့လည်း ဒေသခံတွေက ပြောပါတယ်။

အခုလို စံခလဘူရီမြို့ တံတားပြိုကျ ပျက်စီးသွားတဲ့အတွက် ဒေသခံတွေ သွားလာရေးမှာ အခက်ခဲရှိနေတယ်လို့ စံခလဘူရီနေ မွန်သမိုင်းလေ့လာသူ နိုင်အောက်ပိုင် က ပြောပါတယ်။

“ထိုင်းဘက်နဲ့ မွန်ရွာဘက်ကို ဒီကျောင်းသူကျောင်းသားတွေ ဈေးရောင်းဈေးဝယ်တွေ အလုပ်သမားတွေ အထူးသဖြင့် ဒီတံတားကိုပဲ အားကိုးပြီး ဖြတ်ကျော်နေရတယ်။ ဒီတံတားပျက်ပြီးတာနဲ့ကာ ထိခိုက်မှုတော့ အနည်းနဲ့အများတော့ ရှိတာပေါ့။ ဘာဖြစ်လဲဆိုတော့ ဟိုဘက် ကွန်ကရစ်တံတားဘက် ဖြတ်သွားရင် ဝေးတယ်။ ဆိုင်ကယ်စီးရတယ်။ ဆီဈေးကြီးတာနဲ့ ဒီဆိုင်ကယ်ခ၊ ကားခ၊ ကျောင်းသူကျောင်းသား အလုပ်သမားတွေအတွက်တော့ ထိခိုက်နစ်နာတာပေါ့။”

ဒါ့အပြင် ဒီသစ်သားတံတားဟာ စံခလဘူရီအတွက်သာမက ထိုင်းနိုင်ငံအတွက်ပါ ထင်ရှားတဲ့ တံတားဖြစ်တဲ့အတွက် ခရီးသည်အများအပြား လာရောက်တဲ့နေရာဖြစ်လို့ အခုလို ပျက်စီးသွားတာဟာ ထိုင်းနိုင်ငံအတွက် ၀င်ငွေ ထိခိုက်သွားမယ်လို့  မွန်သမိုင်း လေ့လာသူ နိုင်အောက်ပိုင် က ပြောပါတယ်။
“ဒီသစ်သားတံတားဆိုတော့ စံခလဘူရီရဲ့ သင်္ကေတပေါ့နော်။ နာမည်အကြီးဆုံး တံတားလို့ပဲ ပြောရမယ်။ ထိုင်းနိုင်ငံချည်းပဲ မဟုတ်ပါဘူး။ တကမ္ဘာလုံးကသိနေကြပြီး ဧည့်သည်တွေပေါ့။ ဒီခရီးသွားဧည့်သည်တွေ။ ဒီတံတား ပျက်စီးခြင်းအားဖြင့် ခရီးသွားတွေအတွက် မြို့နယ်ဝင်ငွေတွေပေါ့။ မနည်းဘူး ထိခိုက်တယ်လို့ ယူဆရတယ်။”

ထိုင်းနိုင်ငံရဲ့ အရှည်ဆုံး သစ်သားတံတားတခုဖြစ်တဲ့ စံခလဘူရီ သစ်သားတံတားဟာ လွန်ခဲ့တဲ့အနှစ် ၃ဝ လောက် ကတည်းက ဝင်းကမွန်ဆရာတော် အရှင် ဥတ္တမ ဦးဆောင်ပြီး ရပ်ရွာရဲ့ လူအင်အားနဲ့ပဲ တည်ဆောက်ထားတာဖြစ်သလို ထိုင်းဘက်ကမ်းနဲ့ မွန်ဘက်ကမ်းကို ဆက်သွယ်ထားတာကြောင့် သွားလာလွယ်ကူတဲ့ တံတားတခုအဖြစ်၊ မွန် နဲ့ ထိုင်း ချစ်ကြည်ရေး တံတားတခုလို့လည်း ဆိုကြပါတယ်။

လက်ရှိမှာတော့ ရေကြီးနေတဲ့ အခြေအနေကြောင့် တံတားကြီးကို ပြန်လည်ဆောက်လုပ်ဖို့ အချိန်ယူရဦးမယ်လို့ ၀င်းကမွန်ကျောင်း နာယကဆရာတော် အရှင် မဟာဆုချစ် က မွန်ဘာသာနဲ့ အခုလို မြွက်ကြားခဲ့ပါတယ်။

“ဒီမြစ်ရေ ခမ်းမှပဲ ပြင်လို့ရမယ်။ အခုရေပြည့်နေတော့ ပြင်ဖို့ ခက်တယ်။ ပြင်လို့ မရသေးဘူး။  ပြိုကျတဲ့နေရာက ရေနက်တဲ့ နေရာ၊ ရေများတဲ့နေရာ မြစ်မကြီးနေရာ ဆိုတော့ ပြင်ဖို့ မလွယ်သေးဘူး။”

ဒီသစ်သားတံတားကို လာမယ့် ပွင့်လင်းရာသီမှာ ဘယ်အဖွဲ့အစည်းရဲ့ အကူအညီမှ မယူဘဲ ဆရာတော် အရှင် မဟာဆုချစ် ကနေ ဦးဆောင်ပြီး ဒေသခံဒကာတွေနဲ့ပဲ ပြန်လည်တည်ဆောက်သွားမယ်လို့လည်း မြွက်ကြားခဲ့ပါတယ်။ တံတားတည်ရှိရာ အောက်ဘက် ကီလိုမီတာ ၄၀ ကျော်မှာရှိတဲ့ ထွန်ဖာဖွန် ရေကာတာ ရေတံခါးကနေ ရေကို ထိန်းသိမ်းထားခြင်း မရှိသေးတဲ့အတွက် ရေကာတာအထက်ပိုင်းကနေ ရေစီးအား ပြင်းထန်လို့ တံတားကျိုးပျက်ရတယ်လို့လည်း ကျေးရွာပြန်ကြားရေးအဖွဲ့က ထိုင်းရုပ်မြင်သံကြား အစီအစဉ်ကနေ ပြောပါတယ်။

 တံတားပျက်စီးဆုံးရှုံးမှု တန်ဖိုး မခန့်မှန်းနိုင်သေးကြောင်း စံခလဘူရီ အုပ်ချုပ်ရေးအဖွဲ့ တာဝန်ရှိသူတဦးက ပြောပါတယ်။ တံတားပျက်စီးမှုအခြေအနေကို ထိုင်းနိုင်ငံ ကန်ချနဘူရီခရိုင် အုပ်ချုပ်ရေးမှူးနဲ့အဖွဲ့၊ သဘာဝပတ်ဝန်းကျင် ထိန်းသိမ်းရေးအဖွဲ့နဲ့ ဒေသခံ ထိုင်းအာဏာပိုင်တွေကနေ ဒီနေ့မနက်မှာ လာရောက်ကြည့်ရှုခဲ့ပါတယ်။

ဒီတံတားမှာ ရက်သတ္တပတ်ကို ပျမ်းမျှ ခရီးသွား ၃၀၀၀ လောက် လာရောက်လည်ပတ်နေတယ်လို့လည်း စံခလဘူရီ အုပ်ချုပ်ရေးအဖွဲ့ တာဝန်ရှိသူတဦးက ပြောပါတယ်။ ဒီရက်ပိုင်းတွေမှာ ထိုင်းနိုင်ငံမှာ ရက် ဆက်တိုက် မိုးရွာသွန်းနေသလို ဒေသ အနှံ့အပြားမှာ ရေကြီးမှု ဖြစ်ပွားနေပါတယ်။ 

 

VOA Myanmar News

ပင်သစ်ကုန်သွယ်ရေးကိုယ်စားလှယ်အဖွဲ့ မြန်မာနိုင်ငံလာမည်

ကိုကျော်ကျော်သိန်း

29.07.2013

ပြင်သစ်နိုင်ငံ ပြည်ပကုန်သွယ်ရေးဝန်ကြီးဌာန၀န်ကြီး မစ္စ နီကိုးလ် ဘရိ(က်) (Nicole Bricq) ဟာ အသေးစားနဲ့ အလတ်စား ပြင်သစ် စီးပွားရေးလုပ်ငန်းရှင် ၁၅ ဦးပါ အဖွဲ့တစ်ဖွဲ့ကို ဦးဆောင်ပြီးတော့ ဇူလိုင်လ ၃၀ ရက်၊ အင်္ဂါနေ့မှာ မြန်မာနိုင်ငံဆီ လာရောက်ပါမယ်။ ခရီးစဉ်အတွင်း မြန်မာအစိုးရ ပြည်ထောင်စုဝန်ကြီးတွေအပြင် ပြည်ထောင်စုမြန်မာနိုင်ငံ၊ ကုန်သည်များနဲ့ စက်မှုလုပ်ငန်းရှင်များအသင်းချုပ် UMFCCI က တာဝန်ရှိသူတွေနဲ့လည်း တွေ့ဆုံဖို့ရှိပါတယ်။

ပြင်သစ် ကုန်သွယ်ရေးဝန်ကြီးရဲ့ မြန်မာနိုင်ငံခရီးစဉ်နဲ့ ပြင်သစ်လုပ်ငန်းရှင်တွေ မြန်မာနိုင်ငံမှာ ဘယ်လုပ်ငန်းတွေလုပ်ဖို့ စိတ်ဝင်စားကြတယ်ဆိုတာတွေကို ရန်ကုန် မြို့ကနေ ကိုကျော်ကျော်သိန်းက သတင်းပေးပို့ခဲ့ပါတယ်။

ပြင်သစ် ကုန်သွယ်ရေးဝန်ကြီး မစ္စ ဘရိ (က်) ဟာ အသေးစားနဲ့ အလတ်စား ပြင်သစ်စီးပွားရေး လုပ်ငန်းရှင် ၁၅ ဦးနဲ့အတူ မြန်မာနိုင်ငံဆီ အင်္ဂါနေ့မှာ ရောက်လာမယ့်အကြောင်း ရန်ကုန်မြို့၊ ပြင်သစ်သံရုံးက ဗွီအိုအေကို အတည်ပြုပြောဆိုပါတယ်။

ခရီးစဉ်အတွင်း အမျိုးသားစီမံကိန်းနဲ့ စီးပွားရေးဖွံ့ဖြိုးတိုးတက်မှု ၀န်ကြီးဌာန ပြည်ထောင်စုဝန်ကြီး ဒေါက်တာကံဇော်၊ ဘဏ္ဍာရေး ၀န်ကြီးဌာန ပြည်ထောင်စုဝန်ကြီး ဦးဝင်းရှိန်တို့ အပါအ၀င် တာဝန်ရှိသူတွေနဲ့ တွေ့ဆုံဖို့ အစီအစဉ်ရှိပါတယ်။ ဒါ့အပြင် UMFCCI က တာဝန်ရှိသူတွေနဲ့ အင်္ဂါနေ့ နေ့လည်ပိုင်းမှာ တွေ့ဆုံဖို့ရှိတဲ့အကြောင်း UMFCCI အတွင်းရေးမှူး ဒေါက်တာမျိုးသက်က ဗွီအိုအေကို ပြောပါတယ်။

“မနက်ဖြန် ကျနော်တို့နဲ့ တွေ့မှာပါ။ လာမှာကတော့ အဓိကကတော့ SMEs တွေပါတယ်။ ကုမ္ပဏီလူကြီးတွေ ၁၅ ဦးပါတယ်။ အဓိကကတော့ Energy တို့ Automobile ပါမယ်။”

လွန်ခဲ့တဲ့ ၁၀ ရက်နီးပါးက သမ္မတဦးသိန်းစိန် ပြင်သစ်နိုင်ငံဆီ သွားရောက်ခဲ့ပြီး ပြင်သစ်သမ္မတ ဖရွန်ဆွာ အော်လန်းဒ် (Francois Hollande) နဲ့ တွေ့ဆုံခဲ့ပြီးတဲ့နောက် အခု ကုန်သွယ်ရေးဝန်ကြီးရဲ့ ခရီးစဉ် ဖြစ်လာတာပါ။ မြန်မာနိုင်ငံမှာ အပြောင်းအလဲတွေ လုပ်လာပြီးနောက်ပိုင်း သက်ဆိုင်ရာ ရင်းနှီးမြှုပ်နှံမှု ဥပဒေတွေကို ပြဌာန်းခဲ့ပြီးတော့ ပြည်ပ တိုက်ရိုက်ရင်းနှီးမြှုပ်နှံမှုတွေကိုလည်း ဖိတ်ခေါ်ထားပါတယ်။

ပြည်ပ တိုက်ရိုက်ရင်းနှီးမြှုပ်နှံမှု ဥပဒေ ပြဌာန်းပြီးတဲ့နောက် ကုန်သွယ်ရေး ကိုယ်စားလှယ်အဖွဲ့တွေ လာခဲ့တဲ့ထဲမှာ အမေရိကန်ပြည်ထောင်စုက အများဆုံးဖြစ်ပြီး အခု ပြင်သစ်ဝန်ကြီးနဲ့အဖွဲ့ဟာ ဒုတိယအဖွဲ့ ဖြစ်တယ်လို့ ဒေါက်တာ မျိုးသက် က ပြောပါတယ်။

ပြင်သစ်နိုင်ငံရဲ့ တိုတယ်လ် ရေနံကုမ္ပဏီဟာလည်း မြန်မာနိုင်ငံမှာ ရင်းနှီးမြှုပ်နှံပြီး လုပ်ငန်းလုပ်နေတာ အတော်ကြာပါပြီ။ နောက်ထပ်လည်း ပြင်သစ်က လုပ်ငန်းရှင်တွေအနေနဲ့ ရေနံနဲ့ သဘာဝဓာတ်ငွေ့လုပ်ငန်းမှာ ရင်းနှီးမြှုပ်နှံဖို့ စိတ်ဝင်စားကြတဲ့အပြင် တခြား စိတ်ဝင်စားတဲ့ ကဏ္ဍတွေလည်း ရှိနေတာကြောင့် ပြင်သစ်ရဲ့ ရင်းနှီးမြှုပ်နှံမှုတွေ ထပ်ဝင်လာဖို့ အလားအလာ ကောင်းနေတယ်လို့ UMFCCI အတွင်းရေးမှူး ဒေါက်တာမျိုးသက်က ပြောပါတယ်။

“အထူးသဖြင့်တော့ Oil & Gas မှာနဲ့ IC ရယ် Automobile ဒီ ၃ ခုက focal ထားပြီး လာတာဖြစ်မယ်လို့ ကျနော်ယူဆတယ်လေ။ ကျနော်တို့မှာကလည်း source နဲ့ပတ်သက်လို့ကလည်း ကျနော်တို့မှာ အင်မတန် ကံကောင်းထောက်မ စွာ ထပ်ပြီးတော့ တွေ့နေတာဆိုတော့။ ကျနော်တို့ဆီမှာ reform လုပ်တဲ့အချိန် နဲ့ဆိုတော့ ဒီအပေါ်မှာ ပိုပြီးတော့ စိတ်ဝင်စားလိမ့်မယ်ထင်တယ်။ အဲ့ဒီအပေါ်မှာပဲ ကျနော်ထင်တယ် သူတို့ ဒီမှာ ကျနော်တို့ ရင်းနှီးမြှုပ်နှံမှုဟာ ပိုပြီးတော့ များလိမ့်မယ်လို့ ကျနော် ထင်တယ်။”

မြန်မာနိုင်ငံအပေါ် ဥရောပသမဂ္ဂ EU က ချမှတ်ခဲ့တဲ့ ဒဏ်ခတ် ပိတ်ဆို့ အရေးယူမှု အတော်များများကို ရုပ်သိမ်းခဲ့ပြီးဖြစ်သလို ကုန်သွယ်ရေးဆိုင်ရာ အထူးဦးစားပေး နိုင်ငံတွေထဲမှာ မြန်မာနိုင်ငံကို ပြီးခဲ့တဲ့လက ပြန်ပြီး ထည့်သွင်းခဲ့တာကြောင့် အခွင့်အလန်း တွေ ပိုပွင့်လာတယ်လို့ နှစ်ဘက်လုပ်ငန်းရှင်တွေက မြင်ထားကြတာပါ။

လက်ရှိအချိန်ထိတော့ တရုတ်နိုင်ငံရဲ့ ရင်းနှီးမြှုပ်နှံမှုဟာ မြန်မာနိုင်ငံမှာ အများဆုံးအဖြစ် ရှိနေဆဲပါ။ ဒါပေမဲ့လည်း အမေရိကန်နဲ့ ပြင်သစ်လို အနောက်နိုင်ငံတွေက ကုမ္ပဏီတွေ မြန်မာနိုင်ငံမှာ ရင်းနှီးမြှုပ်နှံဖို့ စိတ်ဝင်စားမှု တဖြည်းဖြည်းများလာနေပြီး ဂျပန်နိုင်ငံ ရဲ့ ရင်းနှီးမြှုပ်နှံမှုဟာ ၂၀၁၅ ခုနှစ်ရောက်ရင် အများဆုံးဖြစ်သွားဖွယ်ရှိတယ်လို့ မြန်မာနိုင်ငံ ရင်းနှီးမြှုပ်နှံမှုနဲ့ ကုမ္ပဏီများ မှတ်ပုံတင် ရေး ဦးစီးဌာန ညွှန်ကြားရေးမှူးချုပ် ဦးအောင်နိုင်ဦးက ပြောထားပါတယ်။

ပြင်သစ်ကုန်သွယ်ရေးဝန်ကြီး မစ္စ နီကိုးလ် ဘရိက်ဟာ ဗုဒ္ဓဟူးနေ့ ညနေ ၃ နာရီခွဲကျရင် ရန်ကုန်မြို့ ပြင်သစ်သံရုံးမှာ ပြင်သစ် ကုန်သွယ်ရေးကော်မရှင်ရုံးကို ဖွင့်လှစ်ပေးဖို့ရှိပြီး ပြီးတဲ့နောက် သတင်းစာရှင်းလင်းပွဲလုပ်မယ်လို့ ရန်ကုန်မြို့၊ ပြင်သစ်သံရုံးက ပြောပါတယ်။ 

 

VOA Myanmar News

တရုတ်ကို မြန်မာဓာတ်ငွေ့ တင်ပို့မှု ဒေသခံတွေစိုးရိမ်

 

 

မဆုမွန်

29.07.2013

၎ နိုင်ငံပါဝင်ပြီး ၃ နှစ်ကြာ အချိန်ယူ ဆောက်လုပ်ခဲ့တဲ့ မြန်မာနဲ့ တရုတ် သဘာဝပိုက်လိုင်းဟာ မြန်မာဘက်ခြမ်းက ပြီးစီးသွားလို့ ဇူလိုင်လ ၂၈ ရက်နေ့ တနင်္ဂနွေနေ့က မြန်မာ-တရုတ် အစိုးရတာဝန်ရှိသူတွေ ဦးဆောင်ပြီး ရွှေသဘာဝ ဓာတ်ငွေ့ပိုက်လိုင်း စီမံကိန်း ပြီးစီးခြင်း အခမ်းအနား ကျင်းပကာ တရုတ်နိုင်ငံဘက်ကို မြန်မာနိုင်ငံကနေ သဘာဝ ဓာတ်ငွေ့တွေ စတင် ပို့လွှတ်ပြီ ဖြစ်ပါတယ်။

ဒီရွှေသဘာဝ စီမံကိန်းအပေါ် သဘာဝပတ်ဝန်းကျင် ထိန်းသိမ်းရေးသမားတွေနဲ့ လူ့အခွင့်အရေး လှုပ်ရှားသူတွေ၊ ဒေသခံပြည်သူတွေက ဆန့်ကျင်ကန့်ကွက် ဆန္ဒပြမှုတွေ ရှိနေချိန်မှာပဲ အခုလို စတင်လိုက်တာ ဖြစ်ပါတယ်။ အသေးစိတ်ကို မဆုမွန်က တင်ပြထားပါတယ်။

မနေ့တုန်းက ရန်ကုန်နဲ့ မန္တလေးမှာ ကျင်းပတဲ့ မြန်မာ-တရုတ် သဘာဝဓာတ်ငွေ့ပိုက်လိုင်း ဆက်သွယ်ပြီးစီးမှု အခမ်းအနားနဲ့ ရွှေသဘာဝဓာတ်ငွေ့စီမံကိန်း သဘာဝဓာတ်ငွေ့ စတင် ပို့လွှတ်ခြင်း အခမ်းအနားကို မြန်မာဒုသမ္မတ ဦးဥာဏ်ထွန်း ကိုယ်တိုင် တက်ရောက် ဖွင့်လှစ်ပေးခဲ့ပါတယ်။ တရုတ်ပြည်သူ့သမ္မတနိုင်ငံ အမျိုးသား စွမ်းအင်ဝန်ကြီးဌာနရဲ့ ဒုဝန်ကြီး မစ္စတာ ဇောင် ယန်ကင်း (Zhang Yunqing) နဲ့ ကိုရီးယားနိုင်ငံ ကုန်သွယ်ရေး၊ စက်မှုနှင့် စွမ်းအင်ဝန်ကြီးဌာန ဒုဝန်ကြီး မစ္စတာ ဂျင် ယွန် ဟန်း (Jin Hyun Han) တို့ တက်ရောက်ပြီး သဘာဝဓာတ်ငွေ့ စီမံကိန်းကို လုပ်ဆောင်နေတဲ့ CNPC (China National Petroleum Corporation) အပါအဝင် ကုမ္ပဏီတွေက စီးပွားရေးလုပ်ငန်းရှင်တွေ တက်ရောက်ခဲ့ကြပါတယ်။

ဒီသဘာဝဓာတ်ငွေ့ ပိုက်လိုင်းစီမံကိန်းကို အကျိုးတူ ပူးပေါင်း ပါဝင်တဲ့ ကုမ္ပဏီတွေကတော့ အရှေ့တောင်အာရှ ရေနံစိမ်းပိုက်လိုင်း  ဆီးရော့၊ အရှေ့တောင်အာရှ ဂတ်စ်ပိုက်လိုင်း ဆီးဂတ်စ်နဲ့အတူ CNPC၊ တောင်ကိုရီးယားက ဒေဝူးကုမ္ပဏီ၊ ONGC ကုမ္ပဏီ၊ အိန္ဒိယက Gail ကုမ္ပဏီ အပါအဝင် မြန်မာနိုင်ငံ သဘာဝဓာတ်ငွေ့ ထုတ်လုပ်ရေးနဲ့ စွမ်းအင်ဝန်ကြီးဌာနတို့ ပါဝင်ခဲ့ပါတယ်။

တရုတ်၊ မြန်မာ၊ အိန္ဒိယ၊ တောင်ကိုရီးယား နိုင်ငံ ၄ နိုင်ငံက ကုမ္ပဏီ ခြောက်ခု အကျိုးတူ ပူးပေါင်းပါဝင်တဲ့ မြန်မာ-တရုတ် သဘာဝဓာတ်ငွေ့ပိုက်လိုင်းဟာ တနေ့ကို သဘာဝဓာတ်ငွေ့ ကုဗပေ သန်း ၁၂၀၀ ပို့လွှတ်နိုင်မှာဖြစ်ပြီး  ဖိအားပေါင် ၁၄၅၀ အထိ ခံနိုင်ရည် ရှိတယ်လို့ နိုင်ငံတော်သမ္မတရုံးက သတင်းထုတ်ပြန်ခဲ့ပါတယ်။

အခုလို ရခိုင်ပြည်နယ် ကျောက်ဖြူခရိုင်ကနေ  မကွေး၊ မန္တလေး၊ ရှမ်းပြည်နယ်ကနေ တရုတ်ပြည်နယ် ယူနန်ခရိုင်အထိ တည်ဆောက်ထားတဲ့ မြန်မာ-တရုတ် သဘာဝဓာတ်ငွေ့ပိုက်လိုင်း စတင်ထုတ်လွှင့်နေချိန်မှာပဲ ဒီသဘာဝဓာတ်ငွေ့ပိုက်လိုင်းကြောင့် ဖြစ်လာနိုင်တဲ့ အကျိုးဆက်တွေ၊ ဆုံးရှုံးနစ်နာရမှုတွေအတွက် ဒေသတွင်းက သဘာဝပတ်ဝန်းကျင် စောင့်ရှောက်ထိန်းသိမ်းရေးသမားတွေ၊ လူ့အခွင့်အရေးလှုပ်ရှားသူတွေနဲ့ လူထုအခြေပြု လှုပ်ရှားသူတွေက ဆန့်ကျင်ကန့်ကွက်နေကြသလို ဒေသခံပြည်သူတွေရဲ့ စိုးရိမ်မှုတွေ ရှိနေကြပါတယ်။

၃ နှစ်ကြာ တည်ဆောက်ခဲ့ရတဲ့ ဒီတရုတ်-မြန်မာ ရွှေသဘာဝဓာတ်ငွေ့ ပိုက်လိုင်း စီမံကိန်းဟာ ဘယ်လောက်အထိ နိုင်ငံတကာ စံချိန်စံနှုန်းတွေနဲ့ ပြည့်မှီပါသလဲ။ နောက် ဒေသခံလူထုတွေအတွက် ဘယ်လောက်အထိ အကျိုးပြုမှု ရှိပါသလဲဆိုတာနဲ့ ဆုံးရှုံးနစ်နာခဲ့ရမှုတွေအပေါ် ဘယ်လိုတာဝန်ယူမှုတွေ လုပ်ပေးမယ်ဆိုတဲ့ ပွင့်လင်းမြင်သာမှု မရှိဘူးလို့  ရွှေသဘာဝဓာတ်ငွေ့ လှုပ်ရှားမှုအဖွဲ့ ခေါင်းဆောင် ကိုဝင်းအောင်က ဝေဖန်ထောက်ပြပါတယ်။

“စီမံကိန်းပြီးသွားပေမဲ့ လုပ်တဲ့ကိုင်တဲ့နေရာတွေမှာ ဘယ်လောက်အထိ ဒီမိုကရေစီ စံချိန်စံနှုန်းနဲ့ ကိုင်ညီပါသလဲ။ ဘယ်လောက်အထိ ပွင့်လင်းမြင်သာမှု ရှိတယ်ဆိုတာ ကျနော်တို့ အင်မတန်ကို စိုးရိမ်စရာ အခြေအနေမှာ ရှိနေပါတယ်လို့ ကျနော့်အနေနဲ့ ပြောချင်ပါတယ်။ ဒီသဘာဝဓာတ်ငွေ့ပိုက်လိုင်းစီမံကိန်း လုပ်တဲ့နေရာတွေမှာ ရခိုင်ကနေပေါ့နော် ကျနော်တို့ ရှမ်းပြည်နယ်အထိ ဒေသခံတွေရဲ့ အသက်မွေးဝမ်းကျောင်းလုပ်ငန်းတွေ ဆုံးရှုံးခဲ့ရတာတွေ အများကြီး ရှိပါတယ်။ ဒါ့အပြင် ကျနော်တို့ ဒီလယ်ယာမြေသိမ်းပိုက်တဲ့နေရာတွေမှာလည်း လျော်ကြေး လုံးဝ မရတဲ့သူတွေ ရှိသလို၊ ဒေသခံတွေ ခံစားနေရတဲ့ ဒုက္ခတွေလည်း အများကြီး ရှိသေးတယ်ပေါ့နော်။"

"ဘယ်လောက်အထိ ကျနော်တို့နိုင်ငံနဲ့ နိုင်ငံသူ နိုင်ငံသားတွေ အကျိုးခံစားပိုင်ခွင့်တွေရှိတယ်။ ဒီကရတဲ့ အကျိုးအမြတ်တွေက ဘယ်လောက်အထိ သွားမလဲ။ အသေးစိတ် ဘာတွေပါတယ်ဆိုတာကို ကျနော်တို့ ဒီလွှတ်တော်တွေအပါအ၀င် သက်ဆိုင်ရာ နိုင်ငံရေးပါတီတွေက ဘာမှ သိတာမျိုးတွေ မရှိဘူး။ အဲဒါကြောင့် ကျနော်တို့ ဒီစီမံကိန်း ပြီးသွားပေမဲ့ ဒီစီမံကိန်းက ဘယ်လောက်အထိ ဒီမိုကရေစီ စံချိန်စံနှုန်းနဲ့ ကိုက်ညီသလဲ။ ကျနော်တို့နိုင်ငံမှာ တကယ့် တကယ် လိုအပ်နေတဲ့ ပြည်သူတို့ရဲ့ လိုအပ်ချက်တွေကို ဘယ်လောက်အထိ ဖြည့်စွက်နိုင်သလဲဆိုတာ ကျနော်တို့ ဆက်လက်ပြီးတော့ ဒီဟာတွေကို တွန်းအားပေးပြီးတော့ ဒီစီမံကိန်းမှာ တကယ့်တကယ် ဒီမိုကရေစီ စံချိန်စံနှုန်းတွေနဲ့ ကိုက်ညီအောင် တွန်းအားပေးပြီးတော့ လုပ်ဆောင်သွားမှာ ဖြစ်ပါတယ်ခင်ဗျ။”

ရွှေသဘာဝဓာတ်ငွေ့ပိုက်လိုင်း ဖြတ်သန်းတည်ဆောက်ရာ စီမံကိန်းရဲ့ တစိတ်တဒေသဖြစ်တဲ့ ရခိုင်ပြည်နယ် ကျောက်ဖြူခရိုင်အတွင်းမှာ လယ်ယာမြေတွေ သိမ်းဆည်းခံခဲ့ရမှု၊ ဒေသခံတွေရဲ့ မိရိုးဖလာ ငါးဖမ်းလုပ်ငန်းကွက်တွေ ပျက်ဆီးခဲ့ရမှုတွေနဲ့ ပတ်သက်ပြီး ဆုံးရှုံးနစ်နာရမှုတွေအတွက် တောင်းဆိုဆန္ဒပြခဲ့ကြတဲ့ ကျေးရွာသူ ကျေးရွာသားတွေ အနေနဲ့လည်း အခုလို စီမံကိန်း စတင်လိုက်ပြီဖြစ်ပေမဲ့ တာဝန်ရှိသူတွေဘက်က တာဝန်ယူ ဖြေရှင်းမှု တစုံတရာ မရှိသေးတဲ့အတွက် ဒေသခံတွေ အခက်အခဲတွေ တွေ့နေကြတုန်းပဲလို့ ဆန္ဒပြခေါင်းဆောင် ဦးထွန်းကြည် ကလည်း ပြောပါတယ်။

“ကျနော်တို့ဒေသမှာ အမှန်တကယ် နစ်နာနေတဲ့ ဒီအချက်တွေကို ၉ ချက်ထုတ်ပြီးတော့ တောင်းဆိုထားတာရှိတယ်။ အဲ့ဒီဟာနဲ့ပတ်သက်ပြီး သူတို့က ၂ ချက်လောက်ပဲ အကောင်အထည်ဖော်ပြီး လုပ်ပေးတာရှိပါတယ်။ ကျနော်တို့ အရေးကြီးတဲ့ လယ်ယာမြေကိစ္စ၊ မြေလွတ်မြေရိုင်းကို သိမ်းထားတဲ့ကိစ္စတို့ အဲ့ဒါတွေကို ကျနော်တို့ ဖြေရှင်းပေးဖို့ တောင်းဆိုထားတာ ဒီနေ့အထိ ဘာမှ မလုပ်ပေးဘူး။ နောက်ပိုင်း ဘာမှလည်း မစုံစမ်းဘူး။ မလေ့လာဘူး အဲ့ဒီအတိုင်း ပြစ်ထားတယ်။”

စတင်ပို့လွှတ်နေပြီဖြစ်တဲ့ ရွှေသဘာဝဓာတ်ငွေ့ ပိုက်လိုင်းစီမံကိန်းနဲ့ပတ်သက်ပြီး ပိုက်လိုင်းတည်ရှိရာ ရှမ်းပြည်နယ်တွင်းက လူထုတွေရဲ့ လုံခြုံရေးနဲ့ ဆုံးရှုံးနစ်နာခဲ့ရမှုတွေ အပါအဝင် သဘာဝပတ်ဝန်းကျင် ထိန်းသိမ်းရေးဆိုင်ရာ လုပ်ငန်းတွေကို အလေးအနက်ထား ဆောင်ရွက်ပေးဖို့ တရုတ်အစိုးရနဲ့ မြန်မာအစိုးရ တာဝန်ရှိသူတွေကို တောင်းဆိုပါတယ်လို့လည်း ရှမ်းလူထုအခြေပြုအဖွဲ့က မယိင်းဟန်ဖ က ပြောပါတယ်။

“မြန်မာအစိုးရကိုရော တရုတ်ကုမ္ပဏီတွေကိုပါ တောင်းဆိုချင်တာကတော့ သိမ်းထားတဲ့ လယ်မြေတွေအားလုံးကိုပေါ့ ကျမတို့ ပြည်သူလူထုကို ပြန်ပေးစေချင်တယ်။ အဲ့ဒီဂတ်စ်ပိုက်လိုင်းဆိုရင်လည်း အခုဆိုရင် စမ်းသပ်ပြီးတော့ လွှတ်တယ်ဆိုပေမဲ့လည်း ကျမတို့က ဖြစ်နိုင်ရင်တော့ ရပ်စေချင်တယ်ပေါ့။ မလွှတ်စေချင်ဘူး။ ဒါပေမဲ့ တကယ် လွှတ်မယ်ဆိုရင်လည်း သေသေချာချာ ပြုလုပ်ပြီးမှ အဲ့ဒီ လုံခြုံဖို့ ပြည်သူလူထုရဲ့ အသက် အိုးအိမ် စည်းစိမ်ကို လုံခြုံဖို့အတွက်နဲ့ နောက် ဒီအန္တရာယ်မရှိအောင် ဆိုပြီးတော့ အဆင်ပြေလိမ့်မယ်လို့ ကျမတို့ မြင်တယ်လေ။”

ပိုက်လိုင်းတည်ဆောက်ရာ ဒေသတလျှောက်က  ပိုက်လိုင်းစီမံကိန်းအတွက် သိမ်းဆည်းမြေများ လျော်ကြေးပေးရေး၊ ဒေသခံများ အလုပ်အကိုင် ရရှိရေးနှင့် လုပ်အားခကို နိုင်ငံတကာ စံနှုန်းအတိုင်း ပေးရေး၊ ကျေးရွာတွေမှာ လျှပ်စစ်မီး ရရှိရေး၊ ရပ်ရွာလုံခြုံရေး၊ ဒေသတွင်း လွတ်လပ်စွာ လယ်လုပ်ခွင့်၊ ငါးဖမ်းခွင့် ရရှိရေး၊ လူ့အခွင့်အရေး ချိုးဖောက်မှုတွေ မပြုလုပ်ရေး၊ ပိုက်လိုင်းက ရရှိတဲ့ အကျိုးအမြတ်တွေကို ပြည်သူလူထု ခံစားခွင့် ရရှိရေး စတာတွေကို သဘာဝဓာတ်ငွေ့ပိုက်လိုင်း ဆန့်ကျင်ကန့်ကွက် လှုပ်ရှားသူတွေက တောင်းဆိုခဲ့ကြတာ ဖြစ်ပါတယ်။

ဒီလိုဆန့်ကျင်ကန့်ကွက်မှုတွေ ရှိနေတဲ့ တချိန်တည်းမှာပဲ ဒီကနေ့က စတင်ပြီး သဘာဝဓာတ်ငွေ့ပိုက်လိုင်းတွင်းကို တနေ့ကို သဘာဝဓာတ်ငွေ့ ကုဗပေ သန်း ၁၀၀ နှုန်းနဲ့ စတင်ဖြည့်သွင်းနေပြီ ဖြစ်ပါတယ်။ ပိုက်လိုင်းတခုလုံး သဘာဝဓာတ်ငွေ့ ဖြည့်ပြီးပြီဆိုရင် သဘာဝဓာတ်ငွေ့ ကုဗပေ သန်း ၅၀၀ ပို့လွှတ်မှာ ဖြစ်ပါတယ်။ ကုဗပေသန်း ၄၀၀ ကို တရုတ်နိုင်ငံကို ပို့လွှတ်ပြီး ကုဗပေသန်း ၁၀၀ ကို ပြည်တွင်းသုံးအဖြစ် ပို့လွှတ်မှာဖြစ်ကြောင်းနဲ့ ပြည်တွင်း ဓာတ်ငွေ့ ဖြန့်ဖြူးရေးအနေနဲ့ ကျောက်ဖြူ၊ ရေနံချောင်းနဲ့ တောင်သာ ကို ဖြန့်ဝေသုံးစွဲဖို့ စီမံချက် ချထားတယ်လို့ နိုင်ငံတော်သမ္မတရုံးက သတင်းထုတ်ပြန်ထားပါတယ်။

သက်ဆင်ရှင်နာဝပ်ကို သတ်ဖြတ်မည်ဟု ခြိမ်းခြောက်သည့် ဗီဒီယိုဖိုင် YouTube တွင် ထွက်ပေါ်

ဘန်ကောက်၊ ဇူလိုင် ၂၈

ပြည်ပြေးဘဝဖြင့် လက်ရှိ နေထိုင်လျက်ရှိသူ ထိုင်းဝန်ကြီးချုပ်ဟောင်း သက်ဆင်ရှင်နာဝပ်ကို သတ်ဖြတ်မည်ဟု YouTube တွင် ဗီဒီယိုဖိုင်တစ်ခု ထွက်ပေါ်လာကြောင်း ဘန်ကောက်ပို့စ် သတင်းစာ က ရေးသား ဖော်ပြသည်။

အစ္စလာမ္မစ် အစွန်းရောက် အကြမ်းဖက်သမားများပုံစံ ဝတ်ဆင်ထားသူများ က ဝန်ကြီးချုပ်ဟောင်း သက်ဆင်ရှင်နာဝပ်၏ ဓာတ်ပုံကို ကိုင်ဆောင်ကာ ၂၀၀၄ ခုနှစ်က ထိုင်းတောင်ပိုင်းဒေသတွင် မွတ်ဆလင်များကို သတ်ဖြတ်ခဲ့မှု အတွက် ပြန်လည် လက်စားချေမည်ဟု ခြိမ်းခြောက် ပြောဆိုထားသည့် ဗီဒီယိုဖိုင်မှာ ဇူလိုင်လ ၂၇ ရက်နေ့က YouTube မှတစ်ဆင့် ပေါ်ထွက်လာ သည်။

“သက်ဆင်ရှင်နာဝပ်၊ ခင်ဗျားဟာ ထိုင်းတောင်ပိုင်း တက်ဘိုင်ပြည်နယ်မှာ ရှိတဲ့ ကျုပ်တို့ရဲ့ မွတ်ဆလင် ညီနောင်တွေကို သတ်ဖြတ်ပစ်ခဲ့တယ်။ ကျုပ်တို့ကလည်း ခင်ဗျားကို အချိန်မရွေး တွေ့အောင်ရှာပြီး အပြစ် စီရင်မယ်” ဟု အဆိုပါ ဗီဒီယိုဖိုင်တွင် မျက်နှာဖုံး ဝတ်ထားသူ အစ္စလာမ္မစ် တစ်ဦးက ပြောကြားသည်ကို တွေ့ရသည်။

အဆိုပါ ဗီဒီယိုဖိုင်ကို အစ္စလာမ္မစ်ဟု ယူဆရသူများက YouTube ပေါ်သို့ တင်ပြီးနောက် နာရီပိုင်း အကြာတွင် YouTube က ၎င်း၏ မူဝါဒနှင့် ဆန့်ကျင်သည်ဟုဆိုကာ ဖိုင်ကို ဖယ်ရှားပစ်လိုက်ကြောင်း၊ သို့သော် နောက်ထပ် နာရီပိုင်း အကြာတွင် အခြားသူ တစ်ဦး၏ အမည်ဖြင့် ထပ်မံ လွှင့်တင်ခဲ့ပြန် ကြောင်း The Nation သတင်းစာက ရေးသား ဖော်ပြ သည်။

သို့သော်လည်း ထပ်မံ လွှင့်တင်သည့် ယင်းဗီဒီယိုဖိုင်ကို YouTube ကပင် ဖယ်ရှားပေးလိုက်သည်။

အဆိုပါ ဗီဒီယိုဖိုင်နှင့် ပတ်သက်၍ ထိုင်းအမျိုးသား လုံခြုံရေးကောင်စီ အတွင်းရေးမှူး ပါရာဒွန်းပတ် တာနာတာဘတ်က အတုအယောင် ပြုလုပ် ထားသည့် ဗီဒီယိုဖိုင်သာဖြစ်ပြီး ထိုင်းအစိုးရကို ဆန့်ကျင် ဆန္ဒပြမှုများ ပြုလုပ် လျက် ရှိသော မျက်နှာဖုံးဖြူဝတ် အင်အားစုများ၏ လက်ချက်သာ ဖြစ်သည် ဟု အတည်ပြု ပြောကြားသည်။

“အဲဒီ ဗီဒီယိုဖိုင်ကို ရိုက်ကူးတဲ့သူတွေက အာရပ်လူမျိုးနဲ့ တူပြီး အာရပ် စကား ပြောတတ်တဲ့သူတွေကို ငှားရမ်းခဲ့တာ။ ပြီးတော့ သေနတ်တွေ ကိုင်ခိုင်းပြီး ခြိမ်းခြောက်တာတွေ ပြောခိုင်းခဲ့တာပါ” ဟု မစ္စတာ ပါရာဒွန်းက ပြောကြားသည်။

“ဗီဒီယိုဖိုင်ထဲမှာ စကားပြောတဲ့သူရဲ့ အသံကို နားထောင်ရုံနဲ့ သူတို့ဟာ အယ်လ်ကေဒါအဖွဲ့က မဟုတ်မှန်း သိသာပါတယ်” ဟု ၎င်းက ဆက်လက် ပြောကြားသည်။

ထိုင်းဝန်ကြီးချုပ်ဟောင်း သက်ဆင်ရှင်နာဝပ်သည် အရှေ့အလယ်ပိုင်းဒေသ တွင် အချိန်ကာလ ကြာရှည်စွာ နေထိုင်ခဲ့ဖူးပြီး မွတ်ဆလင် မိတ်ဆွေ အပေါင်းအသင်းများစွာရှိကာ မွတ်ဆလင်များ အပေါ်တွင်လည်း စိတ်ကောင်း ထားရှိသူ တစ်ဦး ဖြစ်ကြောင်း၊ ယခု ဗီဒီယိုကြောင့် ၎င်း၏ လုံခြုံရေးအတွက် စိုးရိမ် ပူပန်စရာ မလိုအပ်ကြောင်း မစ္စတာ ပါရာဒွန်းက ဆက်လက် ပြောကြား သည်။

အဆိုပါ ဗီဒီယိုဖိုင်နှင့် ပတ်သက်၍ သက်ဆင်ရှင်နာဝပ်၏ နှမဖြစ်သူ လက်ရှိ ဝန်ကြီးချုပ် ယင်းလတ်ရှင် နာဝပ်ကို သတင်းထောက်များက မေးမြန်းရာ တစ်စုံတစ်ရာ ဖြေကြားမှု မပြုခဲ့ပေ။

The Voice Weekly

GTalk မှ နောက်ဆုံးရ မြန်မာသတင်းများ ဖတ်နိုင်ပြီ

နိုင်ငံရေးရာ သတင်း Share ပြည်တွင်း၌ တရားဝင်ထုတ်ဝေနေသည့် ဂျာနယ်များမှ ရရှိသည့် နောက်ဆုံးရသတင်းများကိုG Talk အသုံးပြုသူများ အချိန်မရွေးဖတ်ရှု နိုင်မည့်စနစ် မြန်မာအင်တာနက်မှ စတင်လိုက်ပြီဟု သိရသည်။ သတင်းဖတ်ရှုလိုသူများ သည် မိမိ G Talk တွင် friends.myan-mar.burma@gmail.com ကို မိတ်ဆွေစာရင်းတွင် ထည့်သွင်းထားရမည်ဖြစ်သည် ထိုမိတ်ဆွေအမည်ကို ပုံမှန်စာရိုက်၍ စကားပြောသကဲ့သို့ စာတစ်ခုခုရိုက်ထည့်၍ Enter နှိပ်လိုက်ပါက နောက်ဆုံးရ သတင်း ၁ဝ ပုဒ်ကို ချက်ချင်းထုတ်ပြပေးမည်ဖြစ်သည်။ ၄င်းသတင်းများကို နေ့စဉ် ပုံမှန်ထွက်ရှိနေသည့် ပြည်တွင်းထုတ် ဂျာနယ်များမှရွေးကာာ myanmar- myanmar. net မှ ဖော်ပြခြင်းဖြစ်ကြောင်း သိရသည်။

 

 ”သိသင့်သိထိုက်တဲ့သတင်းတွေကို ရွေးဖော်ပြပေးမှာပါ။ ဖော်ပြရင်လည်း တစ်ပုဒ်လုံးမဟုတ်ဘဲ အဓိက အကြောင်းအရာပဲ ဖော်ပြမှာပါ။ ကိုယ်တိုင်ကလည်း နည်းပညာပိုင်း လုပ်နေတာဖြစ်တဲ့ အတွက် နည်း ပညာပိုင်းမှာ သိသင့်တဲ့ဟာတွေကိုလည်း ဘာသာပြန်ပြီး ထည့်ပေးမယ်” ဟု မြန်မာအင်တာနက်မှ တာဝန်ရှိသူ တစ်ဦးက သတင်းတင်ပြမှုနှင့် ပတ် သက်၍ ရှင်းပြသည်။ ပြည်ပရောက် မြန်မာအများစုအနေဖြင့် ပြည်တွင်းသတင်းဂျာနယ်များမှ သိသင့်သိထိုက်သည့် သတင်းများကို ဖတ်ရှုနိုင်ရန် တင် ပြပေးခြင်းဖြစ်ကြောင်း ၄င်းက ဆက်လက်ပြောကြားသည်။ ပြည်တွင်းထုတ် သတင်းဂျာနယ်များမှ စိစစ်ရေးခွင့်ပြုချက်ရ သတင်းများကို ဖော်ပြသည့် သတင်းဝက်ဘ်ဆိုက်

www. myanmar-myanmar.net

မှ နေ့စဉ်သတင်းဂျာနယ်ပေါင်းစုံမှ သတင်းများကို အခမဲ့ဖတ်ရှုနိုင်ကြောင်း သိရသည်။

 Sunday, July 28, 2013

အီဂျစ်ပဋိပက္ခ သေဆုံးသူများပြား

အီဂျစ်နိုင်ငံမှာ ရာထူးကနေဖယ်ရှားခံရတဲ့ သမ္မတဟောင်း မိုဟာမက်မော်စီ ကို ထောက်ခံသူတွေနဲ့ လုံခြုံရေးတပ်တွေကြား ပဋိပက္ခဖြစ်ပွားမှုမှာ လူပေါင်း ဒါဇင်ပေါင်းများစွာ သေဆုံးခဲ့တယ်လို့ အီဂျစ်အစိုးရ တာဝန်ရှိသူတွေ နဲ့ ဆေးဝန်ထမ်းတွေက ပြောပါတယ်။ မစ္စတာ မော်စီကိုထောက်ခံသူတွေ ကတော့ သေဆုံးသူ အရေအတွက် အများကြီး ပိုများတယ်လို့ ပြောပါတယ်။

သောကြာနေ့ကတည်းက မော်စီထောက်ခံသူတွေ စုဝေးနေတဲ့ ကိုင်ရို မြို့တော်မှာရှိတဲ့ Rabia el-Adawiya ဗလီနားအပါအဝင် အီဂျစ်နိုင်ငံထဲ က နေရာတော်တော်များများမှာ ဒီကနေ့ မငြိမ်မသက်ဖြစ်ပွားနေပါတယ်။ ဒီကနေ့ စနေနေ့မှာ ဗလီထဲကလူတွေက အနီးအနားမှာရှိတဲ့ ရပ်ကွက်တွေအပေါ် ပစ်ခတ်တယ်လို့ အီဂျစ်တာဝန်ရှိသူတွေက ပြောပါတယ်။

တချိန်တည်းမှာပဲ သေနတ်သမားတွေက ဗလီထဲကို ပစ်ခတ်တယ်လို့ al-Jazeera ရုပ်သံ သတင်းကပြောပါတယ်။ အပြန်အလှန် ပဋိပက္ခအတွင်းမှာ ၃၈ ယောက် ထက်မနည်း သေဆုံးတယ်လို့ ကိုင်ရိုမြို့ထဲက ယာယီလုပ်ထားတဲ့ဆေးရုံ က ဆေးဝန်ထမ်းတွေက ပြောပါတယ်။

ကိုင်ရိုမြို့ Nasr ရပ်ကွက်က အဓိက လမ်းမကြီးမှာ လုံခြုံရေးတပ်တွေနဲ့ အရေးပေါ်ကယ်ဆယ်ရေးတွေ အမြောက်အများရှိတဲ့ နေရာနဲ့ ဆန္ဒပြသမားတွေ စခန်းချနေတဲ့ နေရာကြားမှာ အဖြစ်လုပ်ထားတဲ့ အုတ်နံရံတွေတချို့ ကာထားတာ တွေ့ရတယ်လို့ အဲဒီမှာရှိတဲ့ ဗွီအိုအေ သတင်းထောက်က ပြောပါ တယ်။ ဘယ်သူတွေ ကာသွားသလဲ ဆိုတာကတော့ အတိအကျ မသိရပါဘူး။

သပိတ်စခန်းတွေကို ဖြိုခွဲဖို့ ဥပေဒေနဲ့အညီလုပ်မယ်လို့ ယာယီအစိုးရ က မျှော်လင့်ကြောင်း ဒီကနေ့ စနေနေ့မှာ ပြုလုပ်တဲ့ သတင်းစာရှင်းပွဲ မှာ ပြည်ထဲရေးဝန်ကြီးက ပြောပါတယ်။ အီဂျစ်သမ္မတဟောင်း ဟိုစနီမူဘာရက် နဲ့ သူ့ရဲ့ ဝန်ကြီးအဖွဲ့ဝင်တွေကို ချုပ်နှောင်ထားတဲ့ Torah အကျဉ်းထောင်ဆီကို မစ္စတာ မော်စီကို ပြောင်းရွှေ့ဖမ်းဆီးထားဖို့ များတယ်လို့လည်း ပြည်ထဲရေး ဝန်ကြီးက ပြောပါတယ်။

သမ္မတဟောင်း မောစီကို ပူးပေါင်းကြံစည်မှုတွေနဲ့ ဆက်လက်ဖမ်းဆီးထားဖို့ အီဂျစ်တရားသူကြီး တယောက်က အမိန့်ချထားတာနဲ့အတူ အီဂျစ်နိုင်ငံတဝန်းမှာ သူ့ကို ထောက်ခံသူတွေနဲ့ ဆန့်ကျင်သူတွေဘက်က အင်အားပြိုင် ဆန္ဒပြနေကြပါတယ်။

ဗွီအိုအေ (မြန်မာဌာန)

ရေအောက် cable ဆက်ကြောင်းပြင်ဆင်မှု ကြိုးစားဆဲ

အင်တာနက် ရေအောက် ဆက်ကြောင်း SE-ME-WE 3 cable ပြတ်တောက်နေတဲ့အတွက် ပြည်တွင်းမှာ အင်တာနက် သုံးစွဲသူအချို့နဲ့ ပြည်ပကို ဆက်သွယ်နေရတဲ့လုပ်ငန်းတွေမှာ အခက်အခဲတွေ ရင်ဆိုင်နေကြရပါတယ်။ မြန်မာ့ဆက်သွယ်ရေးလုပ်ငန်းကတော့ အခုလို ဆက်ကြောင်း ပြတ်တာကို ပြင်ဆင်နိုင်ဖို့ ရှာဖွေဆဲ အဆင့်မှာပဲ ရှိနေသေးတယ်လို့ ဗွီအိုအေကို ပြောပါတယ်။ Cable ဆက်ကြောင်း ပြတ်တောက်မှုရဲ့ဂယက်က ဘယ်လောက် ကြီးသလဲဆိုတာကို ဆက်သွယ်မေးမြန်းထားတဲ့ ဗီအိုအေ သတင်းထောက် ကိုအောင်ရဲမောင်မောင်က တင်ပြပေးထားပါတယ်။

မြန်မာ့ဆက်သွယ်ရေးလုပ်ငန်းရဲ့အပြည်ပြည်ဆိုင်ရာ ဆက်ကြောင်းတွေနဲ့ အဓိက ချိတ်ဆက်ထားတဲ့ ပင်လယ်ရေအောင်ကေဘယ် (SEA-ME-WE 3) ဆက်ကြောင်း ပျက်နေတာကို ပြင်ဆင်နိုင်ဖို့ ကြိုးစားနေတဲ့ မြန်မာ့ဆက်သွယ်ရေးလုပ်ငန်းက မြန်မာ့ အင်ဂျင်နီယာတွေဟာ ပျက်နေတဲ့နေရာကို ယနေ့ထိ ရှာဖြွေပင်ဆင်နိုင်ဖို့ကြိုးစားဆဲဖြစ်တယ်လို့  မြန်မာ့ ဆက်သွယ်ရေးလုပ်ငန်းရဲ့ ထွေထွေ မန်နေဂျာဦးကျော်စိုးဝင်းက ပြောပါတယ်။
(SEA-ME-WE 3) ရဲ့ မြန်မာ့ပြည်ဆက်ကြောင်း  လမ်းကြောင်း တစ်လျှောက်ဖြစ်တဲ့ ဖျာပုံ၊ ကျုံကဒွန်း နဲ့ ကုလားထိပ် ပင်လယ် ပြင်မှာ ပျက်ခဲ့တာ ဖြစ်ပြီးတော့ ပင်လယ်ရေအောက်မှာ ပျက်နေတဲ့အတွက် ရေတက်ရင် ပြင်ဆင်ရေး လုပ်ငန်းတွေရပ်ဆိုင်း ဖြစ်ရတာလို့ ဦးကျော်စိုးဝင်း က ဗီအိုအေကို အခုလို ပြောပါတယ်။

“ဆက်ကြောင်း စခဲ့တဲ့ ပင်လယ်ကမ်းခြေ ကုလားထိပ်ကနေ ဖျာပုံအထိရောက်အောင် ကျနော်တို့ အသေးစိတ်လမ်းလျှောက်ပြီးတော့ တစ်ခုချင်း စက်နဲ့လည်းတိုင်းတယ်။ တွေ့တဲ့နေရာတိုင်းကို ရှာပြီး ကျနော်တို့ ပြုပြင်နေပါတယ်။”

နိုင်ငံတကာနဲ့ ဆက်သွယ်ချိတ်ဆက်နေတဲ့ လိုင်းမှာသာ ပျက်စီးမှု ရှိမယ်ဆိုရင်တော့ ပြင်ဆင်ချိန် အတွက် ၁ လ ခန့် အချိန်ယူရဖို့ ရှိပြီးတော့
ပြည်တွင်းဘက်က ကုန်းတွင်းဆက်ကြောင်းဘက်မှာသာ အဓိက ပျက်မယ်ဆိုရင်တော့ ၂ ပတ်ခန့်နဲ့ ပြင်ဆင်နိုင်မှာ ဖြစ်တဲ့အကြောင်း ဦးစိုးဝင်း ကပြောပါတယ်။

“ဆက်ကြောင်းက ပြည်တွင်းပြည်ပ ဆက်ကြောင်း နှစ်ခုဖြစ်နေလို့ ပြည်တွင်းပိုင်းမှာလည်း ရှာနေပါတယ်။ ပြည်ပဆက်ကြောင်းက ဖြစ်တယ်ဆိုရင် တစ်လလောက်ကြာနိုင်ပါတယ်။ ပြည်တွင်းဆက်ကြောင်းကဖြစ်တယ်ဆိုရင်တော့ နှစ်ပတ်လောက်အတွင်းမှာ ပြီးနိုင်ပါတယ်။”

အခုလို (SEA-ME-WE 3) ကေဘယ်ဟာ အရှေ့တာင်အာရှ၊ အရှေ့အလယ်ပိုင်း နဲ့ ဥရောပက နိုင်ငံတကာအင်တာနက် ဆက်ကြောင်းတွေနဲ့ မြန်မာ နိုင်ငံအတွင်းမှာ လာရောက် ချိတ်ဆက်ထားတာဖြစ်တဲ့အတွက် မြန်မာနိုင်ငံဘက်က အင်ဂျင်နီယာတွေနဲ့ ပြင်ပက နိုင်ငံတကာ ပညာရှင်တွေနဲ့ ပြင်ဆင်ရမှာဖြစ်တယ်လို့ ဦးစိုးဝင်းက ပြောပါတယ်။ အခုလို အင်တာနက် ဆက်ကြောင်းတွေ ပြတ်တောက်မှုကြောင့် အင်တာနက်
ဆက်သွယ်မှုတွေနဲ့ တချို့ဖုန်းလိုင်းဆက်သွယ်မှုတွေမှာပါ အခက်အခဲတွေရှိနေပါတယ်။  နိုင်ငံတကာနဲ့ ဆက်သွယ်ပြီးလုပ်ရတဲ့ လေယာဉ်
လက်မှတ် အရောင်းကိစ္စတွေနဲ့ ဟိုတယ်ခန်း ကြိုတင်မှာယူတဲ့နေရာတွေမှာ အခက်အခဲတွေ ဖြစ်နေတယ်လိ်ု့ ကိုင်တိုင်လည်း ခရီးသွားလုပ်ငန်း ပိုင်ရှင်
တစ်ဦးလည်းဖြစ်၊ ခရီးသွားလုပ်ငန်းရှင်များအသင်း ဥက္ကဋ္ဌလည်းဖြစ်တဲ့ ဦးဖြိုးဝေရာဇာက ပြောပါတယ်။

“အဓိက-ကတော့ GPS လို့ခေါ်တဲ့ Global Positioning System ပေါ့နော်၊ အဲလိုစနစ်သုံးတဲ့သူတွေအတွက်တော့ မဖြစ်နိုင်ဘူးခင်ဗျ။ ဘာဖြစ်လို့လဲဆိုတော့ သူတို့က အင်တာနက်ကို တခါတည်း Booking တင်ရတဲ့ဟာမျိုးတွေဆိုတော့ အင်တာနက်မရရင် သုံးလို့မရပါဘူး။ Intentional Ticketing အတွက်ကတော့ အခက်အခဲရှိပါတယ်။”

မကြာခဏ ချို့ယွင်းပြတ်တောက်တတ်တဲ့ SE-ME-WE-3 အင်တာနက် ဆက်ကြောင်းနေရာမှာ အစားထိုးဖို့ ရည်ရွယ်ထားတဲ့ SE-ME-WE-5 အင်တာနက်ဆက်ကြောင်းသစ် ချိတ်ဆက်မှုကိုတော့ ဒီဇင်ဘာလမှာ စတင်သွားမှာ ဖြစ်တဲ့အကြောင်း မြန်မာ့ဆက်သွယ်ရေးလုပ်ငန်း တာဝန်ရှိသူတွေက ပြောပါတယ်ခင်ဗျာ။

ကိုယ်ဝန်သည်သားအမိကို သတ်သော လူသတ်တရားခံ ဖမ်းမိ

ဒဂုံတောင်မြို့နယ်တွင် အမျိုးသမီးအလောင်းနှင့် ကလေးအလောင်း တွေ့ရှိသည့် လူသတ်မှုမှ တရားခံ ပြည့်ဝအောင်အား တိုင်တန်းပြီး (၃)ရက်အကြာ ၎င်း၏ဇာတိရွာမှ ဖမ်းဆီးရမိ

ရန်ကုန်၊ ဇူလိုင် ၂၈

၂၃.၇.၂၀၁၃ ရက်နေ့ ၀၉၀၀ အချိန် ဒဂုံတောင်မြို့နယ်၊ ရွာသာကြီး ရပ်ကွက်၊ ဒီဇင်ဘာ အိမ်ယာ မုခ်ဦး အ၀င်လမ်း၏ အနောက်ဘက် ကွင်းထဲတွင် မအေးအေးအောင်၊ ၂၁နှစ်၊ အအေးခန်း စက်ရုံ အလုပ်သမ၊ (ဘ)ဦးမြင့်အောင်၊ ဒဂုံမြို့သစ်(အရှေ့)မြို့နယ်နေသူ၏အလောင်းနှင့် ၎င်း၏ ဘေးတွင်မွေးကင်းစ ယောက်ျားကလေးတစ်ဦး အလောင်း ကိုပါတွေ့ရှိရပြီး အလောင်းများမှာ ပုတ်ပွလျက်ရှိသဖြင့် ဒဂုံတောင်မြို့မရဲစခန်း သေမှုသေခင်း အမှတ်စဉ် (၃၃/၂၀၁၃)ဖြင့်
ရေးဖွင့်စုံစမ်းစစ်ဆေးခဲ့ရာ မှုခင်းဆရာဝန်ကြီး၏ စစ်ဆေးချက်များ အရလည်းကောင်း၊ သေဆုံးသူ မအေးအေးအောင်နှင့် ချစ်ကြိုက်ပြီး သားမယားအဖြစ် ဆက်ဆံခဲ့သူ ပြည့်ဝအောင်(စုံစမ်းဆဲ)မှ ၁၉.၇.၂၀၁၃ ရက်နေ့ ၂၀၀၀ အချိန်ခန့်တွင် သူမအား လာရောက် ခေါ်ဆောင်သွားခဲ့ကြောင်း၊ ထိုအချိန်မှစ၍ ပျောက်ဆုံးနေကြောင်း စုံစမ်းစစ်ဆေး သိရှိချက်များအရ လည်းကောင်း ဒဂုံတောင်မြို့မရဲစခန်း (ပ)၆၀၂/၂၀၁၃၊ ပုဒ်မ ၃၀၂ ဖြင့် ပြောင်းလဲ အရေးယူခဲ့ကာ ပြည့်ဝအောင်အား ဖမ်းဆီးရမိရေး ဆောင်ရွက်ခဲ့ပါသည်။

စုံစမ်းရရှိချက်အရ ပြည့်ဝအောင်၊ (ဘ)ဦးမြင့်သန်း၊ အစာစပ်စက်ရုံ လုပ်သား၊ ရွာသာကြီး၊ ဒဂုံမြို့သစ်(အရှေ့)မြို့နယ် နေသူမှာ စစ်ကိုင်းတိုင်း ဒေသကြီး၊ ရွှေဘိုခရိုင်၊ ၀က်လက်မြို့နယ်၊ မျက်နှာပန်းကျေးရွာသို့ ထွက်ပြေး တိမ်းရှောင်သွားကြောင်း သတင်းရရှိသဖြင့် ဒဂုံတောင်မြို့မရဲစခန်းမှတပ်ဖွဲ့ဝင်များနှင့် အရှေ့ပိုင်းခရိုင်အထူး မှုခင်း နှိမ်နင်းရေး ဌာနစုမှ တပ်ဖွဲ့ဝင်များသည် လိုက်လံ စုံစမ်းရှာဖွေ ဖမ်းဆီးခဲ့ရာ ၀က်လက်မြို့နယ်၊ လှတောကျေးရွာ၌ ၂၆.၇.၂၀၁၃ ရက်နေ့တွင် ဖမ်းဆီးရမိခဲ့ပြီး ဆက်လက်အရေးယူ ဆောင်ရွက်လျက်ရှိကြောင်း သတင်းရရှိပါသည်။